Եվրոպայի Քոլեջը հայտարարում է 2023-2024թթ․ ուսումնական տարվա ընդունելություն

Եվրոպայի Քոլեջը հանդիսանում է Եվրոպայի հեղինակավոր համալսարաններից մեկը, որը հիմնադրվել է 1949 թվականին։ Եվրոպայի քոլեջը առաջարկում է հետբուհական ծրագիր, հետևյալ մասնագիտություններով (1 տարի տևողությամբ)՝
• Եվրոպական տնտեսական ուսումնասիրություններ (Բրյուգեի ամբիոն)
• Եվրոպական իրավական ուսումնասիրություններ (LLM) (Բրյուգեի ամբիոն)
• Եվրոպական քաղաքական և կառավարման ուսումնասիրություններ (Բրյուգեի ամբիոն)
• ԵՄ միջազգային հարաբերությունների և դիվանագիտության ուսումնասիրություններ (Բրյուգեի ամբիոն)
• Անդրատլանտյան հարաբերություններ (Բրյուգեի ամբիոն)
• Եվրոպական միջառարկայական ուսումնասիրություններ (Նատոլինի ամբիոն)։

ՀԱՅ ՈՒՍԱՆՈՂՆԵՐԻՆ ՏՐԱՄԱԴՐՎՈՂ ԿՐԹԱԹՈՇԱԿՆԵՐԻ ՄԱՍԻՆ
Եվրոպական միությունն առաջարկում է մեծ թվով կրթաթոշակներ Հայաստանի Հանրապետության բուհերի շրջանավարտներին` Եվրոպայի քոլեջի Բրյուգեի (Բելգիա) կամ Նատոլինի (Լեհաստան) ամբիոններում, հետբուհական կրթություն ստանալու համար: Վերոնշյալ կրթաթոշակները փոխհատուցում են ուսման, կեցության, սննդի և ճանապարհորդության ծախսերը, ինչպես նաև ներառում են որոշակի գումար առօրյա մանր ծախսերը հոգալու համար:

Օնլայն հայտադիմումը՝ https://www.coleurope.eu/admission

Եվրոպայի քոլեջի շրջանավարտների հայաստանյան ասոցիացիան «Շրջանավարտների դեսպանության ծրագրի» շրջանակներում սիրով հրավիրում է ձեզ մասնակցելու Եվրոպայի քոլեջի ակադեմիական և կրթաթոշակային ծրագրերի ներկայացմանը նվիրված առցանց հանդիպմանը:
Օրը` 29.12.2022
Ժամը՝ 15:00
Հանդիպմանը մասնակցելու համար հարկավոր է գրանցվել, գրելով anzhela.mnatsakanyan@coleurope.eu հասցեին։