Ըստ Հոգաբարձուների խորհրդի՝ 23․06․2022թ․ N9.1 որոշման, լուծարվել են «Ռուսաց լեզվի և գրականության», «Անգլերեն լեզվի և գրականության», «Միջմշակութային հաղորդակցության և զբոսաշրջության» ամբոինները, և նույն որոշմամբ հաստատվել է «Օտար լեզուների և գրականության ամբիոնը»:
«Օտար լեզուների և գրականության» ամբիոնի պատմությունը սկսվում է 1966թ.-ից, որի հիմնադիր վարիչը դոցենտ Հակոբ Մեղրիկյանն էր։ Նրան հաջորդել են դոցենտ Թամարա Պիմենովան, Սահականուշ Գրիգորյանը, 2003-ից ամբիոնը ղեկավարում է բ․գ․դ․, պրոֆեսոր Անահիտ Հովհաննիսյանը:
Վերը նշված ամբիոնները տարբեր ժամանակներում ղեկավարել են Մեխակ Հարությունյանը, Ելենա Գրիգորիադին, Արսեն Արուստամյանը, Անահիտ Ամիրյանը, Բելլա Եսաջանյանը, Բորիս Բարտենևը, Նիկոլայ Անաստասովը, դոցենտներ Էմմա Հովհաննիսյանը, Յուրի Սաֆյանը, պրոֆեսոր Գայանե Ամբարդարյանը, դոցենտներ Մարիա Լևինցովան, Յուրի Սոխրյակովը, Տատյանա Շչեպակովան, Սեդա Ղասաբյանը, Թամարա Մելիքյանը, Էվելինա Մաթևոսյանը Ժանետ Սարգսյանը, Սուսաննա Հարությունյանը, բ․գ․թ․ դոցենտ Վարդուհի Ստեփանյանը, բ․գ․թ․, դոցենտ Շուշանիկ Տեր-Ադամյանը։
Ամբիոնի և ինստիտուտում անգլերեն լեզվի ուսուցչի մասնագիտության կայացման մեջ մեծ է նաև այնպիսի երախտավորների վաստակը, ինչպիսիք են Նուբար Սաաթչյանը, Նադեժդա Պոզմանտիրը, Սվետլանա Ստեփանյանը, Ինեսա Ակոպովնան, Թամարա Մանասարյանը, Սահականուշ Գրիգորյանը, Սիրվարդ Գրիգորյանը, Անահիտ Միրիջանյանը և ուրիշներ:
Անգլերեն լեզու և գրականություն, Ռուսաց լեզու և գրականություն մասնագիտությունները 2005 թ․-ին համալրվեցին «Թարգմանչական գործ» մասնագիտությամբ, որի գործունեությունը ընդլայնվեց 2009 թ․-ին՝ ներկայանալով «Թարգմանչական գործ՝ ռուսերեն – անգլերեն» և «Թարգմանչական գործ՝ անգլերեն-հայերեն» մասնագիտական կրթական ծրագրերով։ Ժամանակի ընթացքում «Թարգմանչական գործ՝ անգլերեն-հայերեն» կրթական ծրագիրը դարձավ մրցակցային Շիրակի մարզում։
Ամբիոնում դասավանդում են փորձառու պրոֆեսորներ, դոցենտներ, գիտությունների թեկնածուներ, երիտասարդ դասախոսներ։ Ամբիոնի դասախոսները ամենամյա վերապատրաստման դասընթացներ են անցնում արտասահմանյան և հայաստանյան բուհերում, մասնակցում հանրապետական և միջազգային գիտաժողովների։ Ինչպես դասախոսները, այնպես էլ ուսանողները մասնակցում են «Էրասմուս+» ծրագրի փոխանակման, դասավանդման և վերապատրաստման շարժունության ծրագրերին (Իսպանիայի «Վալլյադոլիդ», Պորտուգալիայի «Լիսաբոն», Իսպանիայի «Գրանադա», Ռումինիայի «Կլուժ Նաբոկայի տեխնիկական համալսարան», Ռումինիայի «Յոհան Կուզայի» համալսարաններ և այլն) և կիսվում իրենց փորձով ՇՊՀ-ի հանրույթի հետ:
Ամբիոնը նաև սերտ կապեր ունի հանրապետության այլ բուհերի հետ։ Կամավորական աշխատանքի որորտում ամբիոնը մշտապես համագործակցում է արտասահմանյան մի շարք կազմակերպությունների հետ՝ «Դեպի Հայք», Հայաստանի կամավորական կորպուս, շվեյցարական «Կազա» բարեգործական կազմակերպություն և այլն։ Ամերիկացի, ֆրանսիացի կամավորները անցկացնում են ինտերակտիվ դասեր՝ նոր շունչ հաղորդելով կրթական գործընթացին։
Ամբիոնը իրականացրել է մի շարք ծրագրեր, որոնց արդյունքում ձեռք են բերվել մասնագիտական և գեղարվեստական գրականություն, ինչպես նաև անհրաժեշտ սարքավորումներ։
Ներկայումս ամբիոնը իրականացնում է «Բանավոր թարգմանության հիմնահարցերը հայախոս լսարանի համար» ներբուհական դրամաշնորհային ծրագիր, որը ղեկավարում է բ․գ․դ․, պրոֆեսոր Ա․Հովհաննիսյանը, թիմի անդամներն են ՝ բ․գ․թ․, դեցենտ Հ․Իսահակյանը, մ․գ․թ․ Լ․Տոնոյանը և «Թարգմանչական գործ ՝ անգլերեն-հայերեն» բաժնի ուսանողուհի Ս․ Գալստյանը։
«Օտար լեզուների և գրականության» ամբիոնը իրականացնում է հետևյալ մասնագիտական կրթական ծրագրերը՝
Բակալավրի կրթական աստիճան՝
Անգլերեն լեզու և գրականություն
Թարգմանչական գործ ՝ անգլերեն-հայերեն
Թարգմանչական գործ՝ անգլերեն -ռուսերեն
Ռուսաց լեզու և գրականություն
Ռուսաց լեզու և գրականություն/հեռակա
Մագիստրոսի կրթական աստիճան՝
Անգլերեն լեզու և գրականություն
Ռուսաց լեզու և գրականություն
Հետազոտողի կրթական աստիճան (ասպիրանտուրա, հայցորդություն)
Դասավանդման մեթոդիկա /անգլերեն լեզու, ռուսաց լեզու / (ԺԳ.00.02)
Բանասիրական գիտություններ/անգլերեն լեզու, ռուսաց լեզու /(ԺԳ.00.07)
«Անգլերեն լեզու և գրականություն» և «Ռուսաց լեզու և գրականություն» կրթական ծրագրերով ուսանողին շնորհվում է ուսուցչի, իսկ «Թարգմանչական գործ՝ անգլերեն-հայերեն» և «Թարգմանչական գործ՝ անգլերեն -ռուսերեն» կրթական ծրագրերով ՝ լեզվաբանի որակավորում։ Ամբիոնը նաև սպասուրկում է «օտար լեզու՝ անգլերեն, ֆրանսերեն, գերմաներեն և ռուսաց լեզու» համահամալսարանական դասընթացներ։
Հպարտությամբ ուզում ենք նշել, որ մեր շրջանավարտները հաջողությամբ աշխատանքի են անցնում ՀՀ մարզերի տարբեր առևտրային կազմակերպություններում (դպրոցներ, օդանավակայան, մաքսատուն, միջազգային գրասենյակներ, թարգմանչական գրասենյակներ, Գյումրու տեխնոլոգիական կենտրոն, լեզվի ուսուցման կենտրոններ, տուրիստական գործակալություններ և այլն)՝ ունենալով խորը լեզվական գիտելիքներ, աշխատաշուկայի պահանջները բավարարող մրցունակ կարողություններ և փափուկ հմտություններ։
