Մաթեմատիկայի, ֆիզիկայի և տեղեկատվական տեխնոլոգիաների ամբիոն
Ամբիոնի պատմություն
Մաթեմատիկայի, ֆիզիկայի և տեղեկատվական տեխնոլոգիաների ամբիոնը ձևավորվել է 2017թ.-ին բարձրագույն մաթեմատիկայի և մաթեմատիկայի դասավանդման մեթոդիկայի, ֆիզիկայի, տեխնոլոգիայի և նրանց դասավանդման մեթոդիկաների, ինֆորմատիկայի և նրա դասավանդման մեթոիկայի ամբիոնների միավորման արդյունքում, որոնք առանձին-առանձին գործել են դեռ 1930-ական թվականներից: Վերջին տարիներին նշված ամբիոնները ղեկավարել են ՀՀ ԳԱԱ թղթակից անդամ, ֆիզմաթ գիտությունների դոկտոր, պրոֆեսոր Սամվել Սարգսյանը, տեխնիկական գիտությունների դոկտոր, պրոֆեսոր Հենրիկ Դրմեյանը և ֆիզմաթ գիտությունների թեկնածու, դոցենտ Արտաշես Մանուկյանը: 2017-2022թթ.-ին միացյալ ամբիոնի վարիչի ԺՊ-ն է եղել ֆիզմաթ գիտությունների թեկնածու, դոցենտ Վարդան Մանուկյանը, իսկ 2022թ.-ին ֆիզմաթ գիտությունների թեկնածու, դոցենտ Լիլիթ Մարգարյանը նշանակվել է ամբիոնի վարիչի ՊԿ: ՀՀ ԳԱԱ թղթակից անդամ, ֆիզմաթ գիտությունների դոկտոր, պրոֆեսոր Սամվել Սարգսյանը ամբիոնի պատվավոր վարիչն է:
Ամբիոնը համալրված է բարձր գիտամանկավարժական որակավորում ունեցող դասախոսներով. 1 ՀՀ ԳԱԱ թղթակից անդամ, 3 պրոֆեսորներ, 3 դոկտորներ, 10 դոցենտներ և 14 գիտությունների թեկնածուներ:
Ամբիոնը թողարկում է հետևյալ մասնագիտությունները.
Բակալավրի կրթական աստիճան՝
- Մաթեմատիկա
- Ֆիզիկա
- Ինֆորմատիկա և կիրառական մաթեմատիկա
- Տեղեկատվական տեխնոլոգիաներ
- Ինֆորմատիկա
Մագիստրոսի կրթական աստիճան՝
- Մաթեմատիկա
- Ֆիզիկա
- Ինֆորմատիկա և կիրառական մաթեմատիկա
Հետազոտողի կրթական աստիճան (ասպիրանտուրա, հայցորդություն)
- Ֆիզիկամաթեմատիկական գիտություններ բնագավառի մասնագիտություններ (Ա.00.00)
- Դասավանդման և դաստիարակության մեթոդիկա (մաթեմատիկա, ֆիզիկա, ինֆորմատիկա) (ԺԳ.00.02)
Ուսումնական գործընթացին զուգընթաց ամբիոնում տարվում են մեծ ծավալի գիտահետազոտական աշխատանքներ: Գիտական հետազոտությունների հիմնական ուղղություններն են.
- Միկրոպոլյար առաձգական բարակ ձողերի, սալերի և թաղանթների տեսություն, ջերմաառաձգականություն ու մագնիսաառաձգականություն, կառուցվածքային մեխանիկա:
- Վակուումային քվանտային երևույթներ արտաքին դաշտերի (գրավիտացիոն, էլեկտրամագնիսական) առկայությամբ և դրանց կիրառությունները կոսմոլոգիայում:
- Նյութի կառուցվածքային անկատարելությունների ռենտգենաինտերֆերաչափական ուսումնասիրություն, միկրո և նանո կառուցվածքների ֆիզիկական հատկություններ:
- Մաթեմատիկայի, ֆիզիկայի և ինֆորմատիկայի ուսուցման մեթոդաբանություն:
Վերջին 5 տարիների ընթացքում ամբիոնում լույս են տեսել շուրջ 240 միջազգային վարկանիշավորմամբ օժտված, Scopus, Web of Science, РИНЦ շտեմարաններում, ՀՀ ԲՈԿ-ի և ՌԴ ԲՈՀ-ի ցուցակներում ընդգրկված պարբերականներում, միջազգային և հանրապետական գիտաժողովների ժողովածուներում հրատարակված գիտական հոդվածներ, մեթոդական աշխատանքներ և գիտական մենագրություններ, և այս ցուցանիշով ամբիոնն առաջատարն է համալսարանում:
Վերջին 10 տարիների ընթացքում ամբիոնը մշտապես ունեցել է ՀՀ ԿԳՄՍՆ Գիտության կոմիտեի, ինչպես նաև համալսարանի կողմից ֆինանսավորվող թվով 15 գիտական թեմաներ:
Ամբիոնի աշխատակիցներն են.
Ամբիոնի վարիչի ՊԿ
Դասախոսներ
ervand_serobyan@shsu.am