ՈՒՍԱՆՈՂՆԵՐԻ ԱՋԱԿՑՈՒԹՅԱՆ, ԲՈՒՀ-ԳՈՐԾԱՏՈՒ ՀԱՄԱԳՈՐԾԱԿՑՈՒԹՅԱՆ ԲԱԺԻՆ
Բաժնի պատմություն
Պատմություն — Բարձրագույն կրթության և արտադրության միջև մեկուսացման և տարանջատման խնդիրների լուծման, աշխատաշուկայի և համալսարանների խզումը հաղթահարելու համար Եվրոպական Միության Տեմպուսի «Արարատ» («Համալսարան-գործատու» հայկական համակարգող գործակալություն) ծրագրով 2013 թվականի մայիսին ԳՊՄԻ-ում (ներկայի՝ ՇՊՀ) ստեղծվեց բուհ-գործատու համագործակցության կենտրոնը:
2017թվականի մայիսին համալսարանի կառուցվածքային փոփոխությունների արդյունքում կենտրոնը լուծարվեց, և համալսարանում զուգահեռաբար ստեղծվեց ուսանողների աջակցության բաժին:
2018թվականի մայիսին համալսարանի կազմակերպական կառուցվածը վերանայվեց և համալսարանում սկսեց գործառնել ուսանողների աջակցության, բուհ-գործատու համագործակցության բաժինը:
Բաժնի գործունեության հիմնական նպատակը աշխատաշուկայում ՇՊՀ-ի ուսանողների և շրջանավարտների մրցունակության բարձրացումն ու ուսանողների կրթական, սոցիալ-հոգեբանական, ֆինանսական, իրավական աջակցության ապահովումն է:
Կառուցվածք — Բաժինը համալսարանի կազմակերպական կառուցվածքում գործառնում է որպես մեկ ամբողջական միավոր և աշխատանքների համակարգումը իրականացնում է ՇՊՀ-ի Աշխատակազմի ղեկավար պրոռեկտորը:
Հիմնական գործառույթներ — Բաժնի հիմնական գործառույթները հետևյալն են.
- Բուհ-գործատու կապի զարգացման ապահովում և այդ ուղղությամբ կազմակերպությանն աջակցության տրամադրում:
- Ուսանող-գործատու համագործակցության հաստատմանն ու ամրապնդմանն ուղղված աշխատանքների իրականացում:
- Ուսանողների և շրջանավարտների մասնագիտական հմտությունների զարգացման գործում աջակցության տրամադրում, իրենց կրթությանը համապատասխան ոլորտում աշխատանք գտնելու գործընթացի մենթորություն:
- Մասնագիտական կողմնորոշման, կրթության շարունակականությանն ուղղված աշխատանքների, ուսումնասիրությունների իրականացում:
- Համագործակցություն երիտասարդական և ուսանողական կազմակերպությունների, բաղվածության կենտրոնների, աշխատանքային գործակալությունների հետ:
- Ուսանողների կրթական, սոցիալական, ֆինանսական, հոգեբանական, իրավական աջակցությանն ուղղված տարբեր գործողությունների, նախագծերի ու ծրագրերի իրականացում: