ՌԱԶՄԱԿԱՆ ԱՄԲԻՈՆ
Ամբիոնի պատմություն
Հայաստանի Կառավարության երաշխավորությամբ և ԽՍՀՄ նախարարների խորհրդի որոշմամբ 1984թ. սեպտեմբերի 24-ի թիվ 1000-234 որոշման համաձայն Լենինականի Մ.Նալբանդյանի անվան պետական մանկավարժական ինստիտուտում հիմնվել է ռազմական ամբիոն և ներդրվել է «Նախնական զինվորական պատրաստություն» մասնագիտությունը:
ԽՍՀՄ պաշտպանության նախարարի և ԽՍՀՄ լուսավորության նախարարի 1984թ. նոյեմբերի 3-ի թիվ 230 հրամանով որոշված էր ռազմական ամբիոնում ուսուցումն սկսել 1986թ. սեպտեմբերի 1-ից: Առաջին կուրս ընդունվեցին 50 ուսանող:
Քառամյա ուսումնառությունն ավարտելուց հետո ռազմական ամբիոնի շրջանավարտներն ստանում են միջնակարգ, միջնակարգ մասնագիտական կրթօջախների ռազմագիտության և ֆիզիկական դաստիարակության ուսուցչի որակավորում /050400-62 մասնագիտությամբ/:
Երրորդ կուրսի վերջում ուսանողները, հանձնելով պետական քննություն «Մարտավարություն» և «Կրակային պատրաստություն» առարկաներից, ստանում են «Մոտոհրաձգային դասակի հրամանատար»–ի որակավորում /ԶՀՄ -021001, 021002/, շնորհվում է պահեստազորի «լեյտենանտ» զինվորական կոչումը:
ՀՀ Կառավարության 03.03.1998թ. թիվ 127 որոշման համաձայն` «Նախնական զինվորական պատրաստություն» բաժնի ընդունելությանը մինչև 2006թ. կարող էին մասնակցել միայն ժամկետային զինվորական ծառայությունն անցած արական սեռի քաղաքացիները: 2007թ-ից թույլատրվեց նրանց ընդունելությունը նաև միջնակարգ դպրոցն ավարտելուց հետո:
1999 թվականից «Նախնական զինվորական պատրաստություն» բաժնում թույլատրվեց նաև իգական սեռի ներկայացուցիչների ընդունելությունը վճարովի հիմունքներով:
Իր տեսակով ռազմական ամբիոնը միակ կրթական միավորն է ՀՀ– ում, որտեղ պատրաստում են զինղեկներ, ուսուցումն երկսեռ է՝ բակալավրի և մագիստրոսի կրթական աստիճաններով:
Ամբիոնի գործունեությունը միտված է իր առաքելությունից բխող հետևյալ նպատակներին.
- ձևավորել ուսանողակենտրոն միջավայր, որակի և սովորելու մշակույթ ռազմամանկավարժական կրթության մրցունակության ապահովման, արտաքին հարափոփոխ միջավայրի մարտահրավերներին դիմակայելու համար,
- ձևավորել մշակույթ` գիտահետազոտական աշխատանքների իրականացման, շրջանավարտներին աշխատանքային կարիերային նախապատրատելու և գիտելիքահենք հասարակությանն ինտեգրվելու համար,
- ձևավորել արտաքին և ներքին շահակիցների հետ մասնակցային համագործակցության մշակույթ` նպաստելով մատուցվող կրթական ծառայությունների թափանցիկությանը,
- դաստիարակել և կրթել ռազմական գիտելիքներին տիրապետող մանկավարժներ և պահեստազորի սպաներ:
Իր գործունեության ընթացքում ռազմական ամբիոնում ուսանել և ստացել են համապատասխան որակավորում շուրջ 800 շրջանավարտներ, որոնց մոտ 40%-ը մինչև օրս էլ աշխատում է կրթօջախներում կամ ծառայում է ՀՀ Զինված ուժերում՝ ըստ ստացած մասնագիտության:
Ռազմական ամբիոնի հիմնադիր պետը գնդապետ Ալբերտ Հրանտի Զախրաբեկյանն է, որին նշանակել է ԽՍՀՄ ցամաքային զորքերի գլխավոր հրամանատարը իր 29.04.1986թ. թիվ 0260 հրամանով:
Ժամանակագրական առումով, որպես ամբիոնի պետ, պաշտոնավարել են`
1986-1989 թ.թ. – գնդապետ Ա.Հ.Զախրաբեկյանը
1989-1993 թ.թ. – գնդապետ Ա.Կ.Գորբատովսկին
1993-1994 թ.թ. – փոխգնդապետ Է.Ս.Գազարյանը
1994-1995 թ.թ. – մայոր Վ.Ս.Մայիլյանը
1995-1997 թ.թ. – գնդապետ Վ.Լ.Մխիթարյանը
1995-2002 թ.թ. – մայոր Վ.Ս.Մայիլյանը
2002-2006 թ.թ. – գնդապետ Ե.Կ.Աթոյանը
2007-2011 թ.թ. – գնդապետ Գ.Գ.Ստեփանյանը
2011-2017 թ.թ. – գնդապետ Կ.Փ.Հովհաննիսյանը
2018թ. մինչ օրս – գնդապետ Ա.Վ.Մկրտչյանը
Ամբիոնի մի շարք դասախոսներ և ուսանողներ տարբեր ժամանակահատվածներում ակտիվ մասնակցություն են ունեցել ՀՀ և ԼՂՀ սահմանների պաշտպանության գործում:
Ամբիոնի դասախոսները և ուսանողները մասնակցել են մի շարք հանրապետական գիտաժողովների, հրատարկել են հոդվածներ, ուսումնամեթոդական ձեռնարկներ:
Ամբիոնն անհրաժեշտ ուսումնական զենքով և զինամթերքով, ցուցապաստառներով, մանրակերտերով ապահովված է: Ամբիոնում գործում է գրադարան, որը բավական հագեցած է ռազմամասնագիտական և մանկավարժամասնագիտական գրականությամբ:
Սերտ համագործակցություն է ստեղծվել ամբիոնի և Գյումրու կայազորի զորամասերի միջև: Վերջիններս գործնական պարապմունքներ, մարտական փամփուշտներով հրաձգություն անցկացնելու համար տրամադրում են կրակադաշտ, ուսումնական տեղեր: Կազմակերպվում են ցուցադրական պարապմունքներ ուսանողներին սպառազինության մեջ գտնվող զինատեսակներին, մարտական տեխնիկային, զորամասերի անձնակազմի առօրյային, կենցաղին ծանոթանալու նպատակով:
Ամբիոնը համալրված է արհեստավարժ և փորձառու պրոֆեսորադասախոսական կազմով:
Դասախոսներ