Կենսաբանության և քիմիայի ամբիոն
Ամբիոնի պատմություն
Կենսաբանության և քիմիայի ամբիոնը հիմնադրվել է 1992թ-ին: Ամբիոնի հիմնադիր վարիչն է կենսաբանական գիտությունների դոկտոր, պրոֆեսոր Սամվել Ալեքսանյանը:
Ներկայումս ամբիոնում աշխատում են գիտության մեկ դոկտոր պրոֆեսոր, 13 թեկնածուներ, դոցենտներ, ասիստենտներ, մեկ լաբորանտ և մեկ գործավար: Ամբիոնի կազմում գործում են մասնագիտացված լաբորատորիաներ, որոք հագեցված են ժամանակակից սարքավորուներով:
2021-2022 ուտարում AbioNet ծրագրի շրջանակում ամբիոնում ստեղծվել է կենսատեխնոլոգիայի լաբորատորիա` հագեցված ժամանակակից լաբորատոր սարքավորումներով, որոնք հնարավոր են դարձնում հետազոտական աշխատանքների կատարումը:
Կենսաբանության և քիմիայի ամբիոնում կատարվող գիտահետազոտական աշխատանքների կարևոր ուղղություններից մեկը սրտի և ուղեղի նյութափոխանակության կարգավորումը հիպոթալամուս –նեյրոհիպոֆիզ համակարգից անջատված կարդիոակտիվ նեյրոհորմոնների կողմից: Մյուս ուղղությունը վերաբերվում է ՆԱԴPH-օքսիդազներին, որպես սուպերօքսիդ ռադիկալի գոյացման կարևոր համակարգեր:
Ներկայումս ամբիոնը համագործակցում է ՀՀ ԳԱԱ Հ.Խ. Բունիաթյանի անվան կենսաքիմիայի ինստիտուտի, Երևանի Մ. Հերացու անվան պետական բժշկական համալսարանի և Երևանի պետական համալսարանի, Գյուրիի սելեկցիոն կայան ՓԲԸ», Գյումրիի մի շարք բուժական հաստատությունների հետ` համատեղ ուսանողական ավարտական և մագիստրոսական հետազոտական աշխատանքներ կատարելու համար: Նշված կառույցների հետ գիտահետազոտական աշխատանքներ են իրականացնում նաև ամբիոնի պրոֆեսորադասախոսական կազմը, և համատեղ հետազոտությունների արդյունքները հրատարակվում են հեղինակավոր ամսագրերում:
Ամբիոնում դասավանդման մեթոդիկայի ուղղությամբ հրատարակվել են բազմաթիվ գիտամեթոդական հոդվածներ::
Ամբիոնի պրոֆեսորադասախոսական կազմը ֆակուլտետի և բուհի ուսանողների և դասախոսների համար պարբերաբար կազմակերպում է գիտական սեմինարներ` նորարարական և գիտահանրամատչելի թեմաներով:
Ամբիոնն իրականացնում է հինգ մասնագիտական կրթական ծրագրեր: