Հոգեբանության և սոցիոլոգիայի ամբիոն

Ըստ Հոգաբարձուների Խորհրդի 23.06.2022թ.-ի N 9.1 որոշման՝ լուծարվել է Հոգեբանության, սոցիոլոգիայի և սոցիալական աշխատանքի ամբիոնը  և հաստատվել է Հոգեբանության և սոցիալոգիայի ամբիոնը։ ՇՊՀ ամբիոնի օրինակելի կանոնադրությամբ սահմանվում է, որ ամբիոնը համալսարանի հիմնական ուսումնագիտական, մեթոդաբանական կառուցվածքային ստորաբաժանում է, որը միավորում է մասնագիտական ընդհանրություն ունեցող գիտամանկավարժական կազմը, իրականացնում է ուսումնական, ուսումնամեթոդական և գիտահետազոտական աշխատանքներ, պատրաստում է մասնագետներ և գիտամանկավարժական կադրեր, նպաստում նրանց որակավորման բարձրացմանը և վերաորակավորման գործընթացներին։

Ըստ այդմ՝ Հոգեբանության ու սոցիոլոգիայի ամբիոնը սահմանել է իր առաջնահերթությունները՝

• հաղորդել համակարգված և ընդհանրացված տեսագործնական գիտելիքներ համապատասխան բնագավառների արդի միտումներին համարժեք,
• զարգացնել աշխատաշուկայի անընդմեջ փոփոխվող պահանջներին համապատասխան նոր գիտելիքներ ձեռքբերելու կարողություններ, որոնք անհրաժեշտ են ինքնուրույն մասնագիտական գործունեություն ծավալելու և կրթությունը շարունակելու  համար:
• թրեյնինգների և պրակտիկայի միջոցով նպաստել հոգեբանություն մասնագիտացմամբ ուսանողների և հոգեկան առողջության ոլորտի մասնագետների մասնագիտական կրթության որակի բարելավմանը,
• ՇՊՀ ուսանողներին, աշխատակիցներին և հանրապետության բնակչությանը մատուցել խորհրդատվական և զարգացնող բնույթի ծառայություններ,
• իրականացնել գիտահետազոտական աշխատանքներ կիրառական հոգեբանության տարբեր ոլորտներում,
• ստեղծել կրթական բարենպաստ միջավայր ուսանողների համար,
• լուծել բուհի տարբեր ստորաբաժանումների հոգեբանական ինտեգրման խնդիրը,
• բուհը դիտել որպես մեկ ամբողջական միավոր, հոգեբանական առումով լուծել մեկ ընդհանուր խնդիր` նպաստելով ուսանողների անձնային և մասնագիտական կոմպետենցիաների ձևավորմանը,
• տալ որոշակի կոմպետենցիաներ ունեցող շրջանավարտներ, լուծել աշխատաշուկայում նրանց մրցունակության խնդիրը,
• կապեր հաստատել տարածաշրջաների գործատուների և հասարակական ոլորտի ներկայացուցիչների հետ,
• միավորել հոգեբանություն, սոցիոլոգիա և սոցիալական աշխատանք մասնագիտությունները՝ ապահովելով դրանց փոխազդեցության արդյունավետ միջգիտակարգային զարգացումը,
• պրոֆեսորադասխոսական անձնակազմը համալրել ոլորտի առաջատար գործնական ուղղվածությամբ մասնագետներով՝ այդ թվում նաև հանրապետության առաջատար բուհերից հրավիրված մասնագետներով,
• համալրել մասնագիտական գրականության ֆոնդ, մասնագիտություններին համապատասխան ժամանակակից գիտագործնական գրականությամբ։

Ներկայումս ամբիոնը թողարկում է բակալավրի 3 և մագիստրատուրայի 2 մասնագիտական կրթական ծրագիր՝ Հոգեբանություն /առկա, հեռակա/, Սոցիոլոգիա /առկա, հեռակա/ Սոցիալական  աշխատանք /առկա, հեռակա/, Հոգեբանություն, Սոցիալական  աշխատանք/մագիստրատուրա/: Կրթական ծրագրերն իրականացվում է  ամբիոնի 26 դասախոսի կողմից: Պրոֆեսորադասխոսական անձնակազմը համալրված է ոլորտի առաջատար մասնագետներով, որոշ դասընթացներ  իրականացնում են հանրապետության հայտնի բուհերից հրավիրյալ մասնագետները։

Հոգեբանության և սոցիոլոգիայի  ամբիոնի  ուսումնասիրությունների ոլորտն ու աշխարհագրությունը շատ ընդգրկուն են (հոգեախտորոշում, հոգեթերապիա, ծնողավարություն, ընտանիքի հոգեկան հասունության ապահովում և այլն), ամբիոնն իր աշխատակազմի ուժերի սահմանում անում է առավելագույնն ազգաբնակչության հոգեշտկման ու հոգենորոգման գործում՝ այս կերպ իրականացնելով  հոգեբանական շտապօգնության ծառայության գործառույթ և´ համալսարանի ներքին շահառուների, և´  առհասարակ տարածաշրջանի ազգաբնակչության  ստրեսների ու վախերի, տագնապի ու խուճապի  հոգեբանական հետևանքների հաղթահարմանը նպաստելու տեսանկյունից:

Ամբիոնը ունի հարուստ գրադարանային ֆոնդ, ինչն ապահովում է ուսանողների համար անհրաժեշտ գրականության հասանելիությունը, գրադարանային ֆոնդը պարբերաբար  համալրվում է՝ ուսումնական գործընթացներին համապատասխան:

Ամբիոնը  կայուն կապեր է հաստատել տարածաշրջանի գործատուների և հասարակական ոլորտի ներկայացուցիչների հետ՝ այս կերպ օժանդակելով հեռանկարային ուսանողների աշխատանքի  տեղավորման գործընթացին: