Արտթերապիայի գործնական պարապմունք ՇՊՀ-ում
ՇՊՀ-ում «Ուսանողական շաբաթ» միջոցառումների շրջանակում հոգեբանության և սոցիոլոգիայի ամբիոնի նախաձեռնությամբ ուսանողների հետ հանդիպում ունեցավ հոգեբանական գիտ․ թեկնածու, Մոսկվայի պետական հոգեբանամանկավարժական համալսարանի դասախոս Վարվառա Սիդորովան։
Պրակտիկ հոգեբանը սեմինար-քննարկում անցկացրեց «Թերապիա՝ արտահայտված արվեստով» թեմայով, անդրադարձավ արտթերապիայի նպատակներին, խոսեց դրա՝ որպես ստեղծագործական ինքնաարտահայտման սկզբունքի, մեթոդների, խնդիրների մասին, ներկայացրեց կապը գիտության և արվեստի, հոգեբանության և արվեստի միջև։
Վարվառա Սիդորովան նաև գործնական առաջադրանքներ տվեց ուսանողներին, ապա նրանց ներգրավմամբ համալսարանի բակում տերևներով ու խնձորներով արտթերապիայի գործնական պարապմունք անցկացրեց։