«Երիտասարդները վստահության մասին» մրցանակաբաշխության փակման արարողություն Հայաստանի ամերիկյան համալսարանում
Հայաստանի ամերիկյան համալսարանը հրավիրում է Ձեզ մասնակցելու առաջին անգամ Հայաստանում անցկացվող «Երիտասարդները վստահության մասին» մրցանակաբաշխության փակման արարողությանը, որը տեղի կունենա 2022 թվականի հունիսի 1-ին, ժամը 16:00-17:00-ը Հայաստանի ամերիկյան համալսարանի Մեծ դահլիճում:
Հարյուրավոր դպրոցականներ Հայաստանից և եվրոպական այլ երկրներից մասնակցել են «Երիտասարդները վստահության մասին» մրցույթին՝ ներկայացնելով իրենց տեսակետները հասարակական և քաղաքական կյանքում վստահությանը վերաբերող թեմաների մասին էսսեի, փոդքասթի, ֆիլմի, բլոգային գրառման, կարճ պատմվածքի կամ երկխոսության ձեւաչափով:
Մրցանակաբաշխությունը եզրափակում է Հայաստանում անցկացվող մրցույթը։ Հայաստանից հաղթողները կանցնեն հաջորդ փուլ՝ մրցելու եվրոպական երկրների մասնակիցների հետ:
Մրցույթը և մրցանակաբաշխությունը ԵՄ-ի կողմից ֆինանսավորվող «Հորիզոն 2020» PERITIA եռամյա ծրագրի մի մասն է:
Միջոցառումն անցկացվելու է հայերեն՝ համաժամանակյա թարգմանությամբ անգլերեն։