Մանուկյան Սիմոն հետազոտական հիմնադրամի կողմից տրամադրվող դրամաշնորհ ուսանողների համար
Հայաստանի Հանրապետության կառավարության, «Մանուկյան Սիմոն հիմնադրամի» և Հայաստանի ամերիկյան համալսարանի համագործակցության արդյունքում ստեղծված «Մանուկյան Սիմոն հետազոտական հիմնադրամի» կողմից մեկնարկել է ուսանողների և հետազոտողների համար 2021թ․-ի հետազոտական թեմաների հայտերի ընդունման գործընթացը:
ՄՍՀՀ ծրագիրը 2021 թ. -ի գարնանային կիսամյակի համար ուսանողներին տրամադրում է հավելյալ ֆինանսական ռեսուրսներ իրենց հետազոտական ավարտական թեզերը գրելու համար:
Թեմաներ՝
- զբոսաշրջության ոլորտում թվայնացման կարիքների գնահատում և առաջարկների մշակում,
- տնտեսական շահութաբերության ներքին դրույքի (այսուհետ՝ ՏՇՆԴ) հաշվարկման մեթոդաբանություն ճանապարհաշինության և այլ տրանսպորտային ենթակառուցվածքների համար,
- ՏՇՆԴ-ի հաշվարկման մեթոդաբանություն առողջապահական ծրագրերի համար,
- ՏՇՆԴ-ի հաշվարկման մեթոդաբանություն էներգետիկայի ոլորտում իրականացվող ծրագրերի համար,
- ՏՇՆԴ-ի հաշվարկման մեթոդաբանություն կեղտաջրերի մաքրման ծրագրերի համար։
Պահանջներն ուսանողների համար՝
- դիմորդը պետք է լինի հայաստանյան բարձրագույն ուսումնական հաստատության բակալավրիատի կամ մագիստրատուրայի ուսանող,
- կարող են դիմել ինչպես տեղացի, այնպես էլ միջազգային ուսանողները,
- ուսանողը պետք է ներկայացնի ուղեկցող նամակ իր համալսարանի ղեկավարության կողմից,
- ուսանողը պետք է ներկայացնի երաշխավորագիր իր գիտական ղեկավարի կողմից, ով օգնելու է թեզը գրելու գործընթացում,
- հետազոտության իրականացման ակնկալվող ժամկետը վեց ամիս է։
Վերջնաժամկետը 2021 թ. -ի սեպտեմբերի 30-ն է:
Ինչպես դիմել՝
– կայքից բեռնեք դիմումի ձևը,
– լրացված դիմումը ուղարկեք հետևյալ էլ․ փոստի հասցեով՝ MSRFpanel@aua.am,
– յուրաքանչյուր դիմորդ (խմբի ղեկավար) տվյալ հետազոտության թեմայի համար կարող է ներկայացնել միայն մեկ հայտ,
– յուրաքանչյուր դիմորդ (խմբի ղեկավար/ ուսանողական թիմի առաջատար հետազոտող) տվյալ հետազոտության ժամկետի շրջանակներում կարող է ներկայացնել միայն մեկ հայտ:
Մասնակցության դեպքում անհրաժեշտ է դիմումները մինչև 2021թ.-ի մարտի 10-ն ուղարկել հետևյալ էլեկտրոնային հասցեին՝ MSRFpanel@aua.am։
Մասնակցության դեպքում խնդրում ենք ՇՊՀ-ի ուսանողներին տեղեկացնել տեղեկացնել Գիտական քաղաքականության, որակի ապահովման և կառավարման կենտրոն՝ (shsu.science@gmail.com) և ՇՊՀ-ի ՈՒԳԸ՝ (sss@shsu.am ):