ՇՊՀ-ն ու ԳՊՀ-ն համագործակցության հուշագիր են կնքել
Դեկտեմբերի 2—ին «Շիրակի պետական համալսարան» հիմնադրամը՝ ի դեմս ռեկտորի պաշտանակատար Ե. Սերոբյանի, և «Գորիսի պետական համալսարան» ՊՈԱԿ-ը՝ ի դեմս ռեկտոր Ա. Ղուկասյանի, կնքել են համագործակցության հուշագիր՝ հիմք ընդունելով միջբուհական համագործակցության ապահովման, կողմերի գիտատեխնիկական և կադրային կարողությունների լիարժեք օգտագործման և առաջավոր փորձի փոխանակման անհրաժեշտությունը:
Կողմերի համագործակցության հիմնական ուղղություններն են՝
- ՇՊՀ-ում և ԳՊՀ-ում իրականացվող կրթական ծրագրերի մասին տեղեկությունների տրամադրում, համատեղ կամ կրկակի որակավորմամբ կրթական ծրագրերի իրականացմանն ուղղված աշխատանքների քննարկում և կազմակերպում
- ՇՊՀ-ում և ԳՊՀ-ում մշակված առարակյական ծրագրերի, կրթական ծրագրերի արտաքին փորձագիտական գանհատման աշխատանքների իրականացում
- Սովորողների և պրոֆեսորադասախոսական կազմի անդամների ակադեմիական շարժունության իրականացում
- Կրթական ծրագրերի և դասընթացների համատեղ մշակում
- Սովորողների և դասախոսների մասնագիտական վերապատրաստումների, վարպետության դասերի, կլոր սեղանների, բանավեճերի կազմակերպում
- Համատեղ գիտահետազոտական ծրագրերի իրականացում
- ՇՊՀ-ի և ԳՊՀ-ի գիտական ամսագրերում համատեղ ուսումնագիտական հետազոտությունների արդյունքների հրատարակում
- Կողմերի սովորողների գիտահետազոտական, գիտամանկավարժական, ուսումնաարտադրական պրակտիկաների փոխադարձ կազմակերպում
- Սովորողների ավարտական աշխատանքների, մագիստրոսական թեզերի փոխադարձ ղեկավարում և գրախոսում
- Համատեղ հանրապետական և միջազգային գիտաժողովների կազմակերպում