Տեղեկատվական առցանց հանդիպում՝ պրակտիկային ընդառաջ
Այսօր Շիրակի պետական համալսարանի ուսումնամեթոդական գործընթացի կառավարման կենտրոնի պրակտիկայի պատասխանատու Ի. Շուխյանը պրակտիկային ընդառաջ առցանց հանդիպում է անցկացրել ուսանողների հետ։
Տեղեկատվական հանդիպմանը մասնակցել են բակալավրի կրթական ծրագրով հեռակա ուսուցման 4-րդ կուրսերի և 3-րդ կուրսի Սոցիալական աշխատանք մասնագիտության ուսանողները։
4 շաբաթ տևողությամբ մանկավարժական, ուսումնական և արտադրական պրակտիկաները կմեկնարկեն մարտի 1-ին։
Պրակտիկայի պատասխանատուն ուսանողներին և մեթոդիստներին է ներկայացրել պրակտիկայի նպատակը, խնդիրները, կազմակերպման և գնահատման կարգը, պրակտիկանտի օրագրի լրացման առանձնահատկությունները, պատասխանել է ուսանողներին հետաքրքրող հարցերին։