«Մարդը սպորտի աշխարհում» խորագրով համառուսական երիտասարդ հետազոտողների գիտագործնական գիտաժողով
Սանկտ Պետերբուրգի Լեսգաֆտի անվան ազգային ֆիզիկակական կուլտուրայի, սպորտի և առողջության համալսարանի ուսանողական գիտական ընկերությունը 2021 թ.-ի սեպտեմբերի 27-ից մինչև հոկտեմբերի 8-ը կազմակերպում է «Մարդը սպորտի աշխարհում» խորագրով միջազգային մասնակցությամբ երիտասարդ հետազոտողների համառուսական գիտագործնական գիտաժողով: Գիտաժողովին կարող են մասնակցել մագիստրատուրայի և բակալավրիատի ուսանողներ:
Գիտաժողովի շրջանակում կազմակերպվելու է նաև գիտական զեկուցումների մրցույթ:
Գիտաժողովի աշխատանքային լեզուներն են ՝ անգլերեն, ռուսերեն:
Գիտաժողովի բաժանմունքներն են՝
- ֆիզիկական կուլտուրայի տեսական, մեթոդաբանական և պատմական խնդիրները,
- տարբեր տարիքի և որակավորման մարզիկների վերապատրաստման համակարգի կատարելագործումը,
- ֆիզիկական կուլտուրայի և սպորտի պատմական, հասարակական, քաղաքական, փիլիսոփայական և մշակութային խնդիրները,
- տնտեսագիտությունը, կառավարումը, իրավունքն ու սոցիալական տեխնոլոգիաները ֆիզիկական կուլտուրայի և սպորտի բնագավառում,
- ֆիզիկական կուլտուրայի և սպորտի հոգեբանական և սոցիալ-հոգեբանական խնդիրները,
- ֆիզիկական կուլտուրայի և սպորտի բժշկական, կենսաբանական և բնագիտական խնդիրները,
- ադապտիվ ֆիզիկական կուլտուրայի տեսություն և մեթոդաբանությունը,
- ֆիզիկական կուլտուրայի մանկավարժական խնդիրները,
- ֆիզիկական կուլտուրայի և սպորտի ոլորտում մասնագիտական և բարձրագույն կրթության համակարգի կատարելագործումը,
- սպորտային ռեզերվների մարզման խնդիրները:
Մասնակցության համար անհրաժեշտ է մինչև 2021 թ.-ի սեպտեմբերի 13-ը հայտն ուղարկել հետևյալ էլեկտրոնային հասցեին՝ sno@lesgaft.spb.ru :
Հարցերի դեպքում ՇՊՀ-ի մասնակիցները կարող են դիմել, իսկ մասնակցության դեպքում տեղեկացնել Գիտական քաղաքականության, որակի ապահովման և կառավարման կենտրոն՝ (http://shsu.am/contact-quality/) և ՇՊՀ-ի ՈՒԳԸ՝ (sss@shsu.am):
