«Ֆիզիկայի, մաթեմատիկայի և մասնագիտական առարկաների դասավանդման նորարարական տեխնոլոգիաները» խորագրով միջազգային XV գիտագործնական առցանց գիտաժողով
Մոզիրի պետական մանկավարժական համալսարանը 2023 թ.-ի մարտի 23-ին կազմակերպում է «Ֆիզիկայի, մաթեմատիկայի և մասնագիտական առարկաների դասավանդման նորարարական տեխնոլոգիաները» խորագրով միջազգային XV գիտագործնական առցանց գիտաժողով:
Գիտաժողովի ուղղություններն են՝
- բարձրագույն ուսումնական հաստատություններում ֆիզիկամաթեմատիկական առարկաների դասավանդման գործում նորարարական տեխնոլոգիաների կիրառման փորձը և հեռանկարները,
- հանրակրթական հաստատություններում մաթեմատիկայի, ֆիզիկայի, ինֆորմատիկայի դասավանդման նորարարական տեխնոլոգիաները,
- արհեստագործական, միջին մասնագիտական և բարձրագույն կրթության մակարդակներում ընդհանուր տեխնիկական և հատուկ առարկաների դասավանդման ժամանակակից մոտեցումները,
- ֆիզիկայի, մաթեմատիկայի և համակարգչային գիտության բնագավառում գիտական հետազոտությունների արդիական խնդիրները,
- առաջադեմ նյութերի և տեխնոլոգիաների օգտագործումը մեքենաշինության և շինարարության մեջ. փորձ և հեռանկարներ:
Գիտաժողովի աշխատանքային լեզուներն են՝ բելառուսերեն, ռուսերեն, անգլերեն։
Գիտաժողովին մասնակցելու համար անհրաժեշտ է մինչև 2023թ.-ի փետրվարի 24-ն ուղարկել հայտը, զեկույցը և մասնակցության վճարման կտրոնը հետևյալ էլեկտրոնային հասցեին՝ fif-mgpu2015@mail.ru:
Հարցերի դեպքում ՇՊՀ-ի աշխատակիցները կարող են դիմել, իսկ մասնակցության դեպքում խնդրում ենք տեղեկացնել Գիտական քաղաքականության, որակի ապահովման և կառավարման կենտրոն՝ (http://shsu.am/contact-quality/ , shsu.science@gmail.com):