«Շիրակը հայոց բառ ու բանի գանձարան» խորագրով միջազգային գիտաժողով
ՀՀ ԳԱԱ Հր. Աճառյանի անվան լեզվի ինստիտուտը, ՀՀ ԳԱԱ հնագիտության և ազգագրության ինստիտուտը, ՀՀ ԳԱԱ Շիրակի հայագիտական հետազոտությունների կենտրոնը և «Շիրակի պետական համալսարան» հիմնադրամը 2023 թվականի հոկտեմբերի 12-13-ին կազմակերպում են «Բարբառագիտական ընթերցումներ» շարքից «Շիրակը հայոց բառ ու բանի գանձարան» խորագրով միջազգային գիտաժողով: Գիտաժողովի նպատակն է նպաստել Շիրակի տարածաշրջանի բարբառային ու բանահյուսական հարուստ նյութի՝ պատմական և համաժամանակյա դիտակետերով համակողմանի հետազոտությանը:
Գիտաժողովի անցկացման ձևաչափը՝ առկա (Երևանում) և հեռավար
✓Գիտաժողովի ուղղություններն են՝
— Բարբառային խոսքի դրսևորումները Շիրակի մարզում
— Շիրակի տարածաշրջանի բանահյուսական մշակույթը
✓ Գիտաժողովի աշխատանքային լեզուներն են՝
- հայերեն
- անգլերեն
- ռուսերեն
Գիտաժողովին մասնակցելու համար (առկա կամ հեռավար) անհրաժեշտ է մինչև 2023 թվականի սեպտեմբերի 15-ը լրացնել մասնակցության հայտը և ուղարկել viktorkatvalyan@mail.ru էլեկտրոնային հասցեին:
Մասնակցության հայտերի հաստատման վերջնաժամկետն է 30.09.2023թ.:
Գիտաժողովի նյութերը կհրապարակվեն առանձին ժողովածուով, յուրաքանչյուր հոդվածին կտրամադրվի օբյեկտի թվային նույնականացուցիչ (DOI)։
Հարցերի դեպքում ՇՊՀ-ի աշխատակիցները կարող են դիմել, իսկ մասնակցության դեպքում խնդրում ենք տեղեկացնել Գիտական քաղաքականության, որակի ապահովման և կառավարման կենտրոն՝ (http://shsu.am/contact-quality/, shsu.science@gmail.com ):