ՇՊՀ-ում անցկացվեց Ուսանողական մարզական խաղերի 27-րդ առաջնության սեղանի թենիսի մրցաշարը
Շիրակի պետական համալսարանում 4-րդ տարին անընդմեջ անցկացվեց Ուսանողական մարզական խաղերի առաջնության սեղանի թենիսի մրցաշարը, որին մասնակցում էին Հանրապետության 8-ից ավելի բուհերի 70 ուսանող-մարզիկներ։
Մայիսի 2-ին կայացած 27-րդ մրցաշարը աչքի ընկավ բարձր մրցակցությամբ, հետաքրքիր և լարված խաղերով, որոնց ընթացքում յուրաքանչյուր մասնակից ցուցադրեց ոչ միայն իր տեխնիկական հմտություններն, այլև կամք, տոկունություն և խաղային մտածողություն։
Թիմային ու անհատական համառ ու անզիջում մրցապայքարում մրցանակային տեղերը բաշխվեցին հետևյալ կերպ.
Աղջիկների թիմային պայքար.
1-ին հորիզոնական՝ ՀՊՏՀ
2-րդ հորիզոնական՝ ՌՀՀ
3-րդ հորիզոնական՝ ՀԱՊՀ(պոլիտեխնիկ)
Տղաների թիմային պայքար.
1-ին հորիզոնական՝ ՀՖԿՍՊԻ
2-րդ հորիզոնական՝ ՌՀՀ
3-րդ հորիզոնական՝ ԵՊԲ
Աղջիկների անհատական պայքարում 1-ին պատվավոր հորիզոնականում էր Էլլադա Գևորգյանը (ՀԱՊՀ-պոլիտեխնիկ), 2-րդ հորիզոնականը զբաղեցրեց Մարիամ Համբարձումյանը (ՀՊՏՀ), և 3-րդ հորիզոնականը Նելլի Խաչատրյանը (ԵՊՀ):
Տղաների անհատական պայքարում 1-ին պատվավոր հորիզոնականը զբաղեցրեց Ավետ Վասիլյանը (ՀՖԿՍՊԻ), 2-րդ հորիզոնականում էր Սարգիս Ավանեսյանը (ՌՀՀ), 3-րդ հորիզոնականում՝ Նորայր Ղուկասյանը (ՀՊՏՀ Գյումրու մասնաճյուղ):
Միջոցառման փակման արարողությանը ելույթով հանդես եկավ նաև ՇՊՀ-ի ռեկտոր Երվանդ Սերոբյանը։
Նա հորդորեց մասնակիցներին ակտիվորեն զբաղվել սպորտով՝ ընդգծելով դրա կարևոր դերը ուսանողական կյանքի ձևավորման գործում։
Մրցումներն անցան ջերմ և ընկերական մթնոլորտում։
Մրցաշարի ավարտին հաղթողները պարգևատրվեցին պատվոգրերով: