«Ազգային ինքնության համահայկական ընկալումներն արդի ժամանակաշրջանում» թեմայով գիտական սեմինար ՇՊՀ-ում
Ազգային ինքնության պահպանման և ամրապնդման հիմնահարցը ժամանակակից աշխարհաքաղաքական զարգացումների պայմաններում ձեռք է բերել առանձնահատուկ կարևորություն՝ դառնալով ոչ միայն գիտական, այլ նաև պետական ու հասարակական առաջնահերթություն:
Բանախոս՝ Պատմության և իրավագիտության ամբիոնի վարիչ, պատմ. գիտ. թեկ., դոցենտ Արշավիր Գասպարյանը ներկայացրեց ազգային ինքնության ձևավորման պատմական նախադրյալները՝ ներառելով հեթանոսական, քրիստոնեական, մշակութային և քաղաքական փուլերը, որոնք միասին ձևավորել են հայ ժողովրդի ազգային ինքնագիտակցությունը և արժեքային համակարգը։
Առանձնահատուկ անդրադարձ կատարվեց համահայկական ընկալումներին, որտեղ ազգային ինքնությունը դիտարկվում է որպես լեզվի, մշակույթի և պետականության փոխկապակցված համակարգ։
Գիտական սեմինարին մասնակցում էին Գյումրու Ակադեմիական վարժարանի և Արթիկի թիվ 3-րդ ավագ դպրոցի տարբեր հոսքերի աշակերտները, որոնք ակտիվ մասնակցություն ունեցան թեմայի քննարկումներին։