«Ինչ է պետք իմանալ՝ աշխատանքային պայմանագիր կնքելիս» թեմայով դասընթաց ՇՊՀ-ում
Հայաստանում գերմանական «Ֆրիդրիխ Էբերտ» հիմնադրամի «Աշխատանքային իրավունք ուսանողների համար» ծրագրի շրջանակներում ապրիլի 25-ին ժամը 13:00-ին Շիրակի պետական համալսարանի նիստերի դահլիճում տեղի կունենա «Ինչ է պետք իմանալ՝ աշխատանքային պայմանագիր կնքելիս» դասընթացը՝ նախատեսված բուհերի՝ աշխատաշուկա մուտք գործող ուսանողների համար։
Դասընթացը նպատակ է հետապնդում ուսանողներին տալ իրենց աշխատանքային իրավունքների վերաբերյալ կարևորագույն գիտելիքներ, տեղեկատվություն աշխատանքային իրավունքների պաշտպանության արտադատական և դատական մեխանիզմների մասին և այլն։
Դասընթացի տևողությունը 2-2,5 ժամ է։
Դասընթացավարներն են՝
Շուշանա Սիրականյան — իրավաբան, Հայաստանում գերմանական «Ֆրիդրիխ Էբերտ» հիմնադրամի ծրագրերի համակարգող,
Արաքսյա Բագդատյան — ՀՀ փաստաբանների պալատի անդամ, փաստաբան: