ՇՊՀ-ում մեկնարկել է ուսուցիչների վերապատրաստման գործընթացը
Շիրակի պետական համալսարանում մեկնարկել է ատեստավորման ենթակա ուսուցիչների վերապատրաստման գործընթացը։
Շիրակի պետական համալսարանում արդեն 2-րդ անգամ կազմակերպվող վերապատրաստման դասընթացների մասնակիցներին ողջունեց ՇՊՀ-ի ռեկտոր Երվանդ Սերոբյանը՝ մաղթելով հաջող ու արդյունավետ աշխատանքային ընթացք։
ՇՊՀ-ի վերապատրաստումների պատասխանատու Մեսրոպ Ղալաչյանն էլ ուսուցիչներին ներկայացրեց վերապատրաստման կարգը, ժամկետները, հստակեցրեց աշխատանքային օրակարգը, պատասխանեց նրանց հարցերին։
Շիրակի մայր բուհում 12 մասնագիտություններով կվերապատրաստվի 176 ուսուցիչ։