ՇՊՀ ուսանողները՝ ՀՀ չեմպիոններ
Շիրակի պետական համալսարանի ուսանողները շարունակելով բուհի մարզական հարուստ ավանդույթները՝ գերազանց են հանդես եկել տարբեր մարզաձևերում վերջերս կայացած Հայաստանի առաջնություններում:
Հայաստանի սամբոյի առաջնությունում համալսարանի ֆիզիկական կուլտուրա և սպորտ բաժնի 4-րդ կուրսի ուսանող Գրիգոր Մխիթարյանը ոսկե մեդալ է նվաճել 57 կգ քաշային կարգում, նույն կուրսի ուսանող Մաքսիմ Մանուկյանն էլ չեմպիոն է հռչակվել 62 կգ քաշային կարգում:
Հունահռոմեական ոճի ըմբշամարտի Հայաստանի երիտասարդական առաջնությունում 82 կգ քաշային կարգում ոսկե մեդալ է նվաճել ՇՊՀ ֆիզիկական կուլտուրա և սպորտ բաժնի 1-ին կուրսի ուսանող Կարեն Խաչատրյանը:
Հայաստանի բռնցքամարտի երիտասարդական առաջնությունում բուհի ֆիզիկական կուլտուրա և սպորտ բաժնի 1-ին կուրսի ուսանող Արարատ Հարությունյանը ոսկե մեդալ է նվաճել 64 կգ քաշային կարգում:
Շնորհավորում ենք մեր ուսանող-մարզիկներին և մաղթում հաղթանակներ առաջիկա միջազգային մրցաշարերում:
