ՇՊՀ մագիստրատուրայի ընդունելության երկրորդ փուլ
Հարգելի՛ դիմորդ, ՇՊՀ 2022թ. մագիստրատուրայի ընդունելության երկրորդ փուլի համար անհրաժեշտ է դիմել սույն թվականի հուլիսի 11-ից 29-ը և օգոստոսի 1-ից 26-ը, աշխատանքային օրերին, ժամը 10:00-ից 16:00-ն:
Մասնագիտությունների և փաստաթղթերի ցանկին կարող եք ծանոթանալ հղումով․ https://bit.ly/3nQ6yT9
Ընդունելության դիմում-հայտը լրացվում է տեղում՝ ՇՊՀ ընդունող հանձնաժողովի աշխատասենյակում։
Ուշադրություն. դիմում-հայտը լրացնելու ժամանակ հարկավոր է ներկայացնել բոլոր փաստաթղթերի բնօրինակները կրկնօրինակների հետ միասին։
Մագիստրատուրա մրցութային կարգով կարող են ընդունվել բակալավրի, դիպլոմավորված մասնագետի և մագիստրոսի որակավորում ունեցող ՀՀ քաղաքացիները: Մագիստրոսի աստիճան ունեցող քաղաքացիները 2-րդ մագիստրոսական կրթություն կարող են ստանալ միայն վճարովի հիմունքներով:
Օտարերկրյա քաղաքացիները և քաղաքացիություն չունեցող անձինք մագիստրատուրա կարող են ընդունվել միջպետական և միջգերատեսչական պայմանագրերի կամ համաձայնագրերի հիման վրա, լրացուցիչ տեղերի հաշվին, ինչպես նաև վճարովի հիմունքներով սեփական նախաձեռնությամբ:
Մագիստրատուրայի ընդունելությունը կատարվում է մրցութային կարգով, ընդունող (մրցութային) հանձնաժողովի կայացրած որոշմամբ:
Մրցույթն անցկացվում է հետևյալ չափանիշների առաջնահերթությամբ.
- նախորդ ուսումնառության մասնագիտության համապատասխանության դեպքում՝ցուցաբերած ընդհանուր առաջադիմության գումարային միջին գնահատականով կամ միջին որակական գնահատականով,
- մասնագիտական առարկաներից ցուցաբերած առաջադիմության գումարային միջին գնահատականով կամ միջին որակական գնահատականով,
- ավարտական աշխատանքի կամ առարկայական ամփոփիչ քննական գնահատականներով,
- տպագրված կամ տպագրման ընդունված գիտական աշխատությունների, թեզիսների և զեկուցումների առկայությամբ,
- ոչ մասնագիտական առարկաներից ցուցաբերած առաջադիմության գումարային միջին գնահատականով կամ միջին որակական գնահատականով:
ՓԱՍՏԱԹՂԹԵՐԻ ՑԱՆԿ
- Անձը հաստատող փաստաթուղթ՝ կրկնօրինակով
- Դիպլոմի և հավելվածի (միջուկի) բնօրինակները՝ կրկնօրինակների հետ միասին
- Ինքնակենսագրություն (համակարգչային շարվածքով, sylfaen կամ ghea grapalat տառատեսակով, ստորագրված)
- 3 լուսանկար (3×4 չափի)
- տպագրված կամ տպագրման ներկայացված գիտական աշխատանք/ներ/ի ցուցակը (առկայության դեպքում)
- ընդունելության ծառայությունների համար ՇՊՀ 11802024816700 հաշվեհամարին վճարված 2000 դրամի անդորրագիր
- կազմակերպության կողմից սահմանված այլ փաստաթղթեր
ՇՊՀ ընդունող հանձնաժողով՝ admisscom@shsu.am, +37431269494, +37493743051, Պարույր Սևակ 4, Գյումրի, Հայաստան