«Հայ կամավորների միությունը» և «Դեպի Հայք» հիմնադրամը մեկնարկում են «Local Volunteering» ծրագրի երրորդ փուլը
Դեպի Հայք Հիմնադրամը (Birthright Armenia) և Հայ Կամավորների Միությունը (Armenian Volunteer Corps) հայտարարում են հայաստանաբնակների համար նախատեսված ծրագրի 3-րդ փուլի մեկնարկը։
Հայ Կամավորների Միությունը և Դեպի Հայք Հիմնադրամը իրենց ստեղծումից ի վեր (hամապատասխանաբար 2000 և 2004թթ.) հանձն են առել Հայաստանում խրախուսել կամավորությունը օտարերկրացիների և սփյուռքահայերի շրջանում:
Հայ Կամավորների Միությունը և Դեպի Հայքը տարիներ շարունակ համագործակցում են երկրի առաջատար կազմակերպությունների հետ՝ վերջիններիս կարիքները համապատասխանեցնելով կամավորների ներուժին։ Սույն ծրագրի նպատակն է զարկ տալ կամավորության մշակույթի զարգացումը նաև տեղացիների շրջանում։
Առաջին երկու փուլերի ընթացքում ծրագրին են միացել 30-ից ավել տեղացի մասնակիցներ, որոնք կամավորական աշխատանքներ և պրակտիկա են իրականացրել Երևանի ու Գյումրիի առաջատար կազմակերպություններում: Մասնակիցներից ոմանք այժմ աշխատում են նույն կազմակերպություններում:
Ուստի, եթե Դուք ուսանող եք կամ շրջանավարտ և փնտրում եք փորձառություն ձեռք բերելու հնարավորություն, կամ եթե արդեն փորձառու մասնագետ եք և ցանկություն ունեք այս կամ այն ոլորտում կիսվել Ձեր գիտելիքներով, ապա այս ծրագիրը ճիշտ Ձեզ համար է։
Ծրագրի առավելություններն են․
- Մասնակցի գիտելիքների ու փորձի վրա համապատասխանեցված կամավորական աշխատանք` ընտրված ավելի քան 1200 գործընկեր կազմակերպությունների ցանցից
- Անձնական և մասնագիտական կապերը տեղական և միջազգային մակարդակով ընդլայնելու հնարավորություն
- Ամենշաբաթյա էքսկուրսիաներին, տեղացի փորձագետների հետ անցկացվող ֆորումներին և համայնքային զարգացման միջոցառումներին մասնակցելու հնարավորություն:
Ծրագրին կարող են մասնակցել անձինք, ովքեր․
- 21 և ավելի տարեկան են
- Ծնվել են Հայաստանում և առնվազն վերջին 3 տարիներին ապրել են այստեղ
- Ունեն առնվազն բակալավրի աստիճան
- Անգլերենի իմացությունը կդիտվի որպես առավելություն
ԿԱՐԵՎՈՐ. Ծրագրին միանալու դեպքում Ձեզանից ակնկալելու ենք լիարժեք ներգրավվածություն ըստ նախնական համաձայնեցված ժամանակացույցի:
Ծրագրի տևողությունը․
- Նվազագույնը 1 ամիս, առավելագույնը 6 ամիս
- Նվազագույնը 20 ժամ շաբաթական աշխատանք
Ծրագրի անցկացման վայրը՝ Գյումրի (Գյումրիում մշտական բնակության վայր ունեցողների համար)
Հայտադիմումը լրացնելու համար անհրաժեշտ է․
- Անցնել ներդրված հղմամբ և լրացնել առցանց հայտը
- Կցել ինքնակենսագրականը (CV) առցանց հայտադիմումին: Հայտերն ընդունվում են մինչև սույն թվականի Սեպտեմբերի 15-ը։
- Ուղարկել 1 երաշխավորական նամակ (reference letter) info@avc.am էլ․ հասցեին անմիջապես հեղինակի անձնական/աշխատանքային էլ․ հասցեից։ Հեղինակը բացառապես պետք է լինի դիմորդի դասախոսը կամ աշխատանքային/կամավորական գործունեության ղեկավարը
Նախապատվությունը կտրվի դիմորդներին, որոնք ունեն համապատասխան կրթություն և/կամ աշխատանքային փորձ հետևյալ ոլորտներում.
- Գործարար կառավարում, ծրագրերի կառավարում
- ՏՏ, համակարգչային դասընթացների վարում
- Մեդիա, շուկայագիտություն, հասարակայնության հետ կապեր
- Քաղաքագիտություն, հանրային կառավարում, միջազգային կապեր, մարդու իրավունք
Խնդրում ենք հաշվի առնել, որ ծրագրին մասնակցությունը խիստ սահմանափակ է և մրցակցային․ Կդիտարկվեն միայն համապատասխան որակավորում ունեցող դիմորդները։
Ծրագրին գրանցվելը և մասնակցելը ԱՆՎՃԱՐ է։ Աշխատանքը լինելու է բացառապես կամավորության հիմունքներով։
Հավելյալ տեղեկությունների համար՝
Էլ․ հասցե՝ info@avc.am
Հեռ․՝ +374 10540037
https://www.facebook.com/Armenianvolunteer/photos/a.130733783637300/4357791374264832/