«Հայոց ցեղասպանության իրագործման մեթոդաբանությունը» խորագրով դասախոսություն ՇՊՀ-ում
Ապրիլի 17-ին Շիրակի պետական համալսարանի սոցիալական գիտությունների և իրավունքի ֆակուլտետի ու «Մարդու իրավունքների և Ցեղասպանագիտության կենտրոն» ՀԿ-ի համագործակցությամբ կայացավ «Հայոց ցեղասպանության իրագործման մեթոդաբանությունը» խորագրով դասախոսություն-քննարկում:
«Զարգացնենք Ցեղասպանագիտությունը Հայաստանում» խորագրով ծրագրի շրջանակներում բանախոս ցեղասպանագետ Էմմա Չոբանյանը ներկայացրեց Հայոց ցեղասպանության իրականացման պատճառները, փուլերն ու հետևանքները։
Հանդիպման ավարտին ծավալվեց քննարկում ուսանողների և դասախոսների մասնակցությամբ՝ Հայոց ցեղասպանության միջազգային ճանաչման, դատապարտման հնարավությունների և այլ հարցերի շուրջ։
«Մարդու իրավունքների և Ցեղասպանագիտության կենտրոն» ՀԿ-ի-ի նախագահ Լիլիթ Մարտիրոսյանը շնորհակալագիր հանձնեց համալսարանին, ի դեմս պատմության և փիլիսոփայության ամբիոնի վարիչի պաշտոնակատար Հ. Խորիկյանի, կրթական ծրագրին աջակցություն ցուցաբերելու համար:
Լուսանկարները՝ «Մարդու իրավունքների և Ցեղասպանագիտության կենտրոն» ՀԿ-ի