Կյանքից հեռացել է Շիրակի մայր բուհի երկարամյա աշխատակից Ջուլիետա Տեր-Մկրտչյանը
Շիրակի Մ. Նալբանդյանի անվան պետական համալսարանի ռեկտորատը ցավով հայտնում է, որ կյանքի 80-րդ տարում իր մահկանացուն է կնքել համալսարանի երկարամյա աշխատակից Ջուլիետա Տեր-Մկրտչյանը:
Ջ. Տեր-Մկրտչյանը ծնվել է 1941 թվականին, Լենինականում:
1967-ին, ավարտելով Լենինականի Մ. Նալբանդյանի անվան մանկավարժական ինստիտուտը, Ջ. Տեր-Մկրտչյանն աշխատանքի է ընդունվում նույն ինստիտուտում:
1974-ին նա զբաղեցրել է ինստիտուտի կադրերի բաժնի տեսուչի, իսկ 1985-2014թ.թ.՝ կադրերի բաժնի վարիչի պաշտոնը:
2014-2015թ.թ. Ջ. Տեր-Մկրտչյանն աշխատել է որպես ռեկտորի օգնական:
Երկարամյա աշխատանքային գործունեության ընթացքում Ջ. Տեր-Մկրտչյանը միշտ էլ առանձնացել է իր մասնագիտական ու անձնային բարձր հատկանիշներով, աշխատանքի, գործընկերների նկատմամբ հարգանքի ու պատասխանատվության զգացումով, աշխատասիրությամբ, ինչպես նաև իր մեղմ, բարի ու ընկերասեր վերաբերմունքով:
Անբասիր ու նվիրված աշխատանքի շնորհիվ Ջ. Տեր-Մկրտչյանը վայելել է ՇՊՀ ուսանողների, գործընկերների սերն ու հարգանքը:
Ծանր կորստի այս պահին ՇՊՀ պրոֆեսորադասախոսական կազմը խորին ցավակցությունն ու մխիթարանքի խոսքերն է հղում Ջ. Տեր-Մկրտչյանի հարազատներին և կիսում նրանց վիշտը:
Ջ. Տեր-Մկրտչյանի հոգեհանգիստը կլինի նոյեմբերի 12-ին, ժամը 17:00-ին, Ավստրիական թաղամասի Սուրբ Հռիփսիմե մատուռում:
Հուղարկավորությունը՝ նոյեմբերի 13-ին, ժամը 14:00-ին, նույն մատուռից:
ՇՊՀ ռեկտորատ