ԷՐԱԶՄՈՒՍ+ ԱԿԱԴԵՄԻԱԿԱՆ ՇԱՐԺՈՒՆՈՒԹՅԱՆ ԾՐԱԳԻՐ ՌՈՒՄԻՆԻԱՅԻ ՅԱՍԻԻ ԱԼԵՔՍԱՆԴՐՈՒ ԻՈԱՆ ԿՈՒԶԱՅԻ ՀԱՄԱԼՍԱՐԱՆՈՒՄ
Ռումինիայի Յասիի Ալեքսանդրու Իոան Կուզայի համալսարանը հայտարարում է Էրազմուս+ ակադեմիական շարժունության՝ 2021-2022 ուստարվա երկրորդ կիսամյակի համար նախատեսված մրցույթ՝ 1 թափուր տեղի համար, հետևյալ մասնագիտությունների գծով՝
- Կրթություն
- Պատմություն և հնագիտություն
- Լեզուներ
- Սոցիալական և վարքային գիտություններ
- Լրագրություն և հաշվետվություն
- Բիզնես և վարչարարություն
- Մաթեմատիկա և վիճակագրություն
- Ճանապարհորդություն, զբոսաշրջություն և ժամանց
Ծրագրին կարող են մասնակցել ՇՊՀ բակալավրիատի, մագիստրատուրայի և հետազոտողի կրթական ծրագրի ուսանողները:
Ակադեմիական շարժունությունն իրականացվում է մեկ կիսամյակով:
Ծրագիրը հոգում է բոլոր ֆինանսական ծախսերը:
Ծրագրին մասնակցելու համար դիմել մինչև սույն թվականի սեպտեմբերի 27-ը, ժամը` 18:00-ն:
Պահանջվող փաստաթղթերն են.
- Անձնագիր/ նույնականացման քարտ,
- Ուսանողի դիմում-հայտ,
- Ուսումնառության պայմանագիր,
- Ակադեմիական տեղեկագիր՝ ուղարկող համալսարանից,
- Լեզվի իմացության վկայական:
Պահանջվող փաստաթղթերի մանրամասն ուսումնասիրման, ուսման տևողության և այլ տեղեկությունների համար կարող եք անցնել հետևյալ հղումով`
https://www.uaic.ro/en/international/erasmus-programme-with-partner-countries/
Կարևոր է իմանալ՝
Համաձայն Ռումինիայի ազգային գործակալության ու Եվրահանձնաժողովի վերջին առաջարկությունների, մասնակիցներն իրավունք ունեն ստանալու Էրազմուս+ դրամաշնորհ, եթե նրանք ֆիզիկապես մեկնում են ընդունող համալսարան, նույնիսկ եթե դասընթացներն այնտեղ անցկացվում են առցանց կամ լսարանային պարապմունքների համադրման խառը ձևաչափով:
Դիմում-հայտերը լրացնելու համար կարող եք դիմել էլեկտրոնային տարբերակով՝ shsuinternational@shsu.am և shsu.shsu@mail.ru էլեկտրոնային հասցեներին, ինչպես նաև այցելել ՇՊՀ արտաքին համագործակցության և հասարակայնության հետ կապերի կենտրոն` Բ2-12 սենյակ, աշխատանքային բոլոր օրերին, ժամը 09:00-18:00:
Հարցերի դեպքում զանգահարել 077069126, 093853706 հեռախոսահամարներով: