ՇՊՀ-ում ներկայացվեց կրթություն-բիզնես միջավայր համագործակցության հարթակը
Այսօր Շիրակի պետական համալսարանում ուսանողների համար տեղեկատվական հանդիպում էր կարզմակերպել Կրթություն-բիզնես միջավայր համագործակցության հարթակը:
Կրթություն-բիզնես միջավայր կապի ապահովման հարթակի ձևավորումը նպատակ ունի ուսանողների համար լուծելու առանցքային հետևյալ խնդիրները`
• ծանոթանալ աշխատաշուկայի առաջարկներին ու պահանջներին, հնարավոր փոփոխություններին,
• իմանալ բիզնես միջավայրում կողմնորոշվելու հնարավորությունները,
• շփվել գործատուների, բիզնես ոլորտի ներկայացուցիչների հետ,
• քննարկել ու գեներացնել բիզնես գաղափարներ,
• համագործակցել այլ բուհերի ուսանողների հետ,
• աշխատել բազամասնագիտական թիմում:
Հարթակի նպատակադրումները ուսանողներին ներկայացրեցին ՀՊՏՀ ԳՄ-ի զարգացման ծրագրերի, գիտության, արտաքին կապերի և որակի ապահովման բաժնի պետ Ղարիբ Հարությունյանը և ՇՊՀ ուսանողների աջակցության, բուհ-գործատու համագործակցության բաժնի պետ Էլվիրա Զարգարյանը:
Տեղեկատվական հանդիպման շրջանակներում բիզնես գաղափարներ ներկայացրեցին ՇՊՀ-ի ուսանողներ Ասյա Սահակյանը և Հռիփսիմե Միքայելյանը («Ֆիտո Թեյ» ստարտափ գաղափար Էրազմուս+ ABioNet ծրագրի շրջանակներում) և ՀՊՏՀ ԳՄ-ի ուսանող Լիլիթ Միքայելյանը («O-zone » ստարտափ):
Հանդիպմանը մասնակցում էին նաև ՇՊՀ քոլեջի ուսանողները: Հանդիպման ընթացքում արդյունավետ քննարկում ծավալվեց ուսանողների ու հարթակի ներկայացուցիչների միջև, որը հետագայում արդյունավետ համագործակցության համար կարևոր պայման է:
