«Ծնողներին սոցիալական, հոգեբանական և մանկավարժական աջակցություն. փորձ, խնդիրներ, հեռանկարներ» միջազգային գիտագործնական գիտաժողով
Բելառուսի պետական մանկավարժական համալսարանը 2019թ-ի նոյեմբերի 5-ին անցկացնում է «Ծնողներին սոցիալական, հոգեբանական և մանկավարժական աջակցություն. փորձ, խնդիրներ, հեռանկարներ» միջազգային գիտագործնական գիտաժողով: Գիտաժողովի շրջանակում նախատեսվում է ացկացնել միջազգային սեմինար «Ծնողների աջակցության համար սոցիալական, հոգեբանական, մանկավարժական և բժշկական ոլորտներում մասնագետների փոխազդեցությունը» թեմայով: Գիտաժողովի աշխատանքային լեզուն է ռուսերենը, բելառուսերենը և անգլերենը:
Գիտաժողովին կարող են մասնակցել գիտնականներ, մանկավարժներ, հոգեբաններ, սոցիալական աջակցության մասնագետներ:
Գիտաժողովի մասնակցության ձևերն են՝
- Լիագումար նիստին զեկույցի ներկայացում,
- Բաժիններում զեկույցի ներկայացում,
- Հեռակա մասնակցությամբ հոդվածի ներկայացում:
Գիտաժողովի արդյունքում պլանավորվում է հրատարակել գիտաժողովի էլեկտրոնային նյութերի ժողովածու: Հայտերը և հոդվածները ընդունվում են մինչև 2019թ-ի հոկտեմբերի 20-ը:
Մասնակցության դեպքում խնդրում ենք տեղեկացնել Գիտական քաղաքականության, որակի ապահովման և կառավարման կենտրոն՝ Անի Սահակյանին: