«Լեզուն և կրթությունը միջազգային հարաբերություններում» խորագրով միջազգային գիտաժողով
ԵՊՀ Միջազգային հարաբերությունների ֆակուլտետի Դիվանագիտական ծառայության և մասնագիտական հաղորդակցման ամբիոնը կազմակերպում է միջազգային գիտաժողով` «Լեզուն և կրթությունը միջազգային հարաբերություններում» խորագրով: Գիտաժողովը տեղի կունենա 2022թ.-ի հոկտեմբերի 14-16: Գիտաժողովի անցկացման վայրը՝ ք. Ծաղկաձոր, Տանձաղբյուր փ. 29, ԵՊՀ Ծաղկաձորի հանգստյան տուն:
Գիտաժողովը կհամախմբի Հայաստանի և այլ երկրների միջազգային հարաբերությունների ոլորտի մասնագետներին, գիտնականներին, հետազոտողներին՝ փոխանակելու իրենց գաղափարները, փորձը և հետազոտությունների արդյունքները:
Հիմնական զեկուցողներն են՝
- Գեղամ Պետրոսյան՝ պ.գ.դ., պրոֆեսոր, Միջազգային հարաբերությունների ֆակուլտետի դեկան,
- Դանիել Լեպետի՝ DAAD դասախոս Հայսաստանում,
- Մինծիե Հան ՝ Կոնֆուցիուսի ինստիտուտի չինական կողմի տնօրեն,
- Գոռ Սարգսյան՝ պ.գ.թ., Կոնֆուցիուսի ինստիտուտի հայկական կողմի տնօրեն,
- Ժակ Մանուկյան՝ պ.գ.թ., դոցենտ, Միջազգային հարաբերությունների ֆակուլտետի դեկանի տեղակալ,
- Սաադ Ալ-Ադայ, ք.գ.թ., Բաղդադի Համալսարան, Հայաստանի Հանրապետությունում Իրաքի Հանրապետության դեսպանության երկրորդ քարտուղար
Գիտաժողովի ուղղությունները․
- Նորամուծություններն ու բարեփոխումները կրթության մեջ
- Լեզվի դասավանդման նորարարական մեթոդները
- Լեզուն հատուկ նպատակների համար
- Լեզվի դասավանդումը հեռավար ուսուցման պայմաններում
- Նոր միտումները կրթության ոլորտում
- Միջազգային հարաբերությունների ակտուալ հիմնախնդիրներ
- Ինտեգրացիոն գործընթացները միջազգային հարաբերություններում
- Մոդելավորման պրակտիկայի կիրառումը միջազգային հարաբերություններում
Գիտաժողովի աշխատանքային լեզուներն են հայերեն, անգլերեն, ռուսերեն:
Խնդրում ենք մասնակցության հայտերը և զեկուցումների համառոտագրերը (թեզիսները) ուղարկել մինչև 2022 թ.-ի հունիսի 30-ը:
Ընտրված համառոտագրերի (թեզիսների) ընդունման մասին տեղեկատվությունը կտրամադրվի մինչև 2022 թ.-ի հուլիսի 20-ը:
Ելույթներին կհատկացվի 15 րոպե, իսկ հարցերին, քննարկումներին և մեկնաբանություններին՝ 5 րոպե:
Գիտաժողովին գրանցման վճարը € 20: Հրավիրող կողմը հոգում է հետևյալ ծախսերը՝
- Գիտաժողովի ծրագիր
- Մասնակցություն բացման արարողությանը
- Մասնակցություն բոլոր նիստերին
- Համառոտագրերի (թեզիսների) հրատարակում
- Հավաստագրերի տրամադրում
- Տեղափոխում (Երևանում ԵՊՀ գլխավոր մասնաշենքից դեպի Ծաղկաձոր՝ ԵՊՀ Ծաղկաձորի հանգստյան տուն և վերադարձ դեպի ԵՊՀ գլխավոր մասնաշենք Երևանում)
- 2 գիշերակաց ԵՊՀ Ծաղկաձորի հանգստյան տանը (3 անգամյա սնունդ)
- Սուրճի ընդմիջում
- Այցելություն Ծաղկաձորի տեսարժան վայրեր
Համառոտագրերի հաստատումից հետո տրամադրվում է հաշվեհամար, որին պետք է փոխանցվի մասնակցության վճարը մինչև 2022թ. օգոստոսի 10-ը:
Կից ներկայացնում ենք գիտաժողովի համառոտագրերի պահանջները(հայերեն, անգլերեն):
Հետադարձ կապ՝ Հասմիկ Ճաղարյան
Էլ. հասցե՝ conference.int@ysu.am
Հետադարձ կապ՝ +374 93471771