Աշխատանքի հայտարարություն
«Շիրակի Մ.Նալբանդյանի անվան պետական համալսարան» հիմնադրամում թափուր պաշտոնի վերաբերյալ հայտարարություն
ՊԱՇՏՈՆԸ` Ուսանողների աջակցության, բուհ-գործատու համագործակցության բաժնի պետ
ԴՐՈՒՅՔԸ՝ լրիվ դրույք
ԱՇԽԱՏԱՆՔԻ ՎԱՅՐԸ՝ ՇՄ, ք.Գյումրի, Պ.Սևակ 4
ՍՏՈՐԱԲԱԺԱՆՈՒՄ` Ուսանողների աջակցության, բուհ-գործատու համագործակցության բաժին
ԱՇԽԱՏԱՆՔԱՅԻՆ ԳՈՐԾԱՌՈՒՅԹՆԵՐԸ.
- Ուսանողների աջակցության, բուհ-գործատու համագործակցության բաժնի պետը կազմակերպում ու ղեկավարում է բաժնի գործունեությունը:
- լուծում է բաժնի առջև դրված գործառույթներից բխող հիմնախնդիրներ, ընդունում որոշումներ,
- բաժնի աշխատողներին տալիս է համապատասխան ցուցումներ և հանձնարարականներ,
- ղեկավարում է բաժնի ընթացիկ, հետազոտական, միջազգային և այլ տիպի գործունեությունը,
- ապահովում է ռեկտորի, բաժնի գործունեությունը համակարգող համապատասխան պրոռեկտորի որոշումների կատարումը, սահմանված կարգով նրանց ներկայացնում է առաջարկություններ աշխատաշուկայի պահանջներին համապատախան, աշխատաշուկայում ՇՊՀ-ի ուսանողների և շրջանավարտների մրցունակության բարձրացումն, ուսումնական ծրագրերի բարելավման, աշխատանքի տեղավորման աջակցության վերաբերյալ,
- ներկայացնում է բաժնի թափուր պաշտոնատեղերի տեղակալման, պաշտոններում առաջադրման, հատուկ տարակարգեր զբաղեցնելու և վերապայմանագրավորման վերաբերյալ,
- իրականացնում է վերահսկողություն և կրում պատասխանատվություն բաժնում ընթացիկ աշխատանքների կազմակերպման համար,
- կազմակերպում և համակարգում է հիմնադրամում օրենքով սահմանված կարգով ուսանողական նպաստի ձևով ուսման վարձավճարի լրիվ կամ մասնակի փոխհատուցում տրամադրելու գործառույթները,
- ապահովում է բաժնի և այլ մարմինների, կազմակերպությունների և հաստատությունների փոխհարաբերությունները՝ համալսարանի հետ համագործակցության շրջանակներում,
- մասնակցում է բաժնի գործունեության ռազմավարական և կազմակերպական նշանակության խնդիրների բացահայտմանը, վերլուծմանը և գնահատմանը, ինչպես նաև դրանց ստեղծագործական և այլընտրանքային լուծումներ տալու աշխատանքներին,
- Ռեկտորի հանձնարարությամբ` ՇՊՀ-ից դուրս շփվում և պարբերաբար հանդես է գալիս որպես ներկայացուցիչ, մասնակցում է Հայաստանի Հանրապետության և օտարերկրյա պետությունների, միջազգային և այլ կազմակերպությունների իրավասու մարմինների ներկայացուցիչների հետ հանդիպումներին, խորհրդակցություններին, գիտաժողովներին, սեմինարներին, ինչպես նաև հանդես է գալիս առաջարկություններով, հաշվետվություններով և այլն,
- անհրաժեշտ միջոցներ է ձեռնարկում այլ ծառայությունների, ստորաբաժանումների և բուհի գիտա-հետազոտական, աջակցող ենթակառուցվածքների հետ համագործակցելու հարցում:
ՊԱՇՏՈՆԻ ՀԱՎԱԿՆՈՐԴԻՆ ՆԵՐԿԱՅԱՑՎՈՂ ՆՎԱԶԱԳՈւՅՆ ՊԱՀԱՆՋՆԵՐ`
- Բարձրագույն կրթություն, մագիստրոսի աստիճանը ցանկալի է:
- Հայերենի գերազանց իմացություն, այլ օտար լեզուների իմացությունը կդիտվի առավելություն:
- Առնվազն 2 տարվա աշխատանքի փորձ:
- Համակարգչով և ժամանակակից այլ տեխնիկական միջոցներով աշխատելու հմտություն:
ԴԻՄԵԼՈՒ ԸՆԹԱՑԱԿԱՐԳԸ՝
Հետաքրքրվող անձը իր ինքնակենսագրականը, դիպլոմի պատճենը, անձնագրի պատճենը, մասնագիտական և /կամ/ աշխատանքային գործունեության ընթացքում աշխատանքային ստաժը հավաստող փաստաթղթերը պետք է ուղարկի հիմնադրամի info@shsu.am էլ-փոստին՝ վերնագիր դաշտում նշելով հաստիքի անվանումը։ Փաստաթղթերն ընդունվում են բացառապես էլեկտրոնային եղանակով։
Փաստաթղթերն ընդունվում են մինչև 2021 թ. հունիսի 18-ը ներառյալ, ժամը 16:00-ն:
Հավակնորդների հետ հարցազրույցը տեղի կունենա 2021 թ. հունիսի 23-ին , ժամը 12:00-ին, Պ.Սևակ 4 հասցեում, ՇՊՀ հիմնադրամի վարչական մասնաշենքում:
Հարցազրույցի հրավիրված անձինք պարտավոր են ներկայացնել վերը նշված փաստաթղթերի բնօրինակները:
Լրացուցիչ տեղեկությունների համար զանգահարել 093-54-18-82 հեռախոսահամարով:
ՇՊՀ ՀԻՄՆԱԴՐԱՄ