ՀԱՅՏԱՐԱՐՈՒԹՅՈՒՆ
ՇՊՀ առկա, հեռակա համակարգի բակալավրի և մագստրոսի կրթական ծրագրերում ուսումնառող հարգելի՛ ուսանողներ,
ՀՀ կառավարության 2006 թվականի հուլիսի 27-ի թիվ 1183-Ն որոշմամբ հաստատված «Հայաստանի Հանրապետության բարձրագույն ուսումնական հաստատություններում ուսանողական նպաստ և պետական կրթաթոշակ տալու» կարգի 2.1 կետի համաձայն՝
«Պետությունն ուսանողական նպաստի ձևով ուսման վճարի մասնակի փոխհատուցում տրամադրում է յուրաքանչյուր տարի Հայաստանի Հանրապետության կրթության և գիտության նախարարության կողմից սահմանված ուսանողի միջին որակական գնահատականի (ՄՈԳ) նվազագույն շեմը հաղթահարած և ընտանիքների անապահովության գնահատման համակարգում հաշվառված` Հայաստանի Հանրապետության կառավարության կողմից յուրաքանչյուր տարի սահմանվող անապահովության սահմանային միավորից բարձր միավորներ ունեցող հետևյալ խմբերին`
ա) մինչև 5 միավորով բարձր անապահովության միավոր ունեցող ընտանիքի անդամ հանդիսացող ուսանողներին` ուսման վճարի 50 տոկոսի չափով.
բ) 5-10 միավորով բարձր անապահովության միավոր ունեցող ընտանիքի անդամ հանդիսացող ուսանողներին` ուսման վճարի 60 տոկոսի չափով.
գ) 10-15 միավորով բարձր անապահովության միավոր ունեցող ընտանիքի անդամ հանդիսացող ուսանողներին` ուսման վճարի 70 տոկոսի չափով.
դ) 15-20 միավորով բարձր անապահովության միավոր ունեցող ընտանիքի անդամ հանդիսացող ուսանողներին` ուսման վճարի 80 տոկոսի չափով.
ե) 20-ից բարձր անապահովության միավոր ունեցող ընտանիքի անդամ հանդիսացող ուսանողներին` ուսման վճարի 100 տոկոսի չափով:»:
Հարկ ենք համարում տեղեկացնել, որ Հայաստանի Հանրապետության կառավարության 2019 թվականի հունվարի 24-ի թիվ 50-Ն որոշման մեջ կատարվել է փոփոխություն. 2020 թվականին ընտանեկան նպաստի և սոցիալական նպաստի համար ընտանիքի անապահովության սահմանային միավորի մեծություն է սահմանվել` 28.00 միավորը (2019 թվականի 30.00 միավորի փոխարեն):
Իսկ նույն կարգի 2.5 կետը սահմանում .
«Պետությունն ուսանողական նպաստի ձևով ուսման վճարի մասնակի փոխհատուցում տրամադրում է Հայաստանի Հանրապետության կառավարության 2014 թվականի դեկտեմբերի 18-ի N 1444-Ն որոշման N 1 հավելվածում ներառված սոցիալական աջակցություն ստացող համայնքներում, ինչպես նաև Տավուշի մարզի Բերդի համայնքում հաշվառված և վերջին հինգ տարում մշտապես բնակվող ու տվյալ համայնքի հանրակրթական ուսումնական հաստատությունն ավարտած և Հայաստանի Հանրապետության պետական կամ հավատարմագրված ոչ պետական բուհերի համապատասխան ուսուցման ձևերով (առկա, հեռակա) բակալավրի և մագիստրոսի կրթական աստիճաններով (այդ թվում՝ անընդհատ ու ինտեգրացված կրթական ծրագրերով) ուսանողների հետևյալ խմբերին՝
1) մեկ ուսումնական տարվա քննությունների և ստուգարքների արդյունքներով գերազանց առաջադիմություն ունեցողներին` ուսման վճարի 60 տոկոսի չափով.
2) անկախ առաջադիմությունից՝ ուսման վճարի 30 տոկոսի չափով:»:
Վերոնշյալ կարգավիճակ ունեցող ուսանողները իրենց կարգավիճակը հաստատող փաստաթղերը (տեղեկանքները)՝ անձը հաստատող փաստաթղթի պատճենի հետ միասին կարող ենք ներկայացնել համապատասխան ֆակուլտետի դեկանատ մինչև ս/թ-ի հոկտեմբերի 10-ը ներառյալ:
Սահմանված ժամկետից ուշ ներկայացված փաստաթղթերը չեն դիտարկվի:
Վերոնշյալ փոխհատուցման հետ կապված հարցերի դեպքում կարող եք դիմել համապատասխան ֆակուլտետի դեկանատներին կամ ուսանողների աջակցության, բուհ-գործատու համագործակցության բաժնի աշխատակիցներին: