«Գիտությունը սպորտում. արդի հիմնախնդիրներ» խորագրով պարբերական
«Հայաստանի ֆիզիկական կուլտուրայի և սպորտի պետական ինստիտուտ» հիմնադրամի «Գիտությունը սպորտում. արդի հիմնախնդիրներ» խորագրով պարբերականում հրատարակվում են ֆիզիկական կուլտուրայի և սպորտի ոլորտների գիտական և գիտամեթոդական հոդվածներ։
Պարբերականն ընդգրկված է ՀՀ ԲՈԿ–ի գիտական հրատարակությունների ցանկում։
Պարբերականի հիմնական բաժիններն են՝
- օլիմպիական սպորտ․ օլիմպիզմը, օլիմպիական կրթությունը և ժառանգությունը ժամանակակից սպորտում,
- ֆիզիկական կուլտուրայի և սպորտի մանկավարժական հիմնախնդիրները,
- ֆիզիկական կուլտուրայի և սպորտի հոգեբանական հիմնախնդիրները,
- սպորտային գործունեության և առողջ ապրելակերպի բժշկակենսաբանական հայեցակետերը,
- ֆիզիկական վերականգնման հիմնախնդիրները սպորտում,
- ադապտիվ ֆիզիկական կուլտուրան և ադապտիվ սպորտը ժամանակակից աշխարհում,
- սպորտային տուրիզմի զարգացման հեռանկարները,
- սպորտի կառավարման նորարարական տեխնոլոգիաները։
Հոդվածներն ընդունվում են՝ հայերեն, անգլերեն և ռուսերեն։
Պարբերականի հոդվածների ընդունման և հրատարակման ժամկետները․
N | Ընդունում | Հրատարակում |
1. | դեկտեմբերի 1 – մարտի 1 | մայիս |
2. | ապրիլի 1 – հուլիսի 1 | սեպտեմբեր |
3. | օգոստոսի 1– նոյեմբերի 1 | դեկտեմբեր |
Հոդվածներն անհրաժեշտ է ուղարկել հետևյալ էլեկտրոնային հասցեին՝ eranuhi.simonyan@sportedu.am և 1 օրինակ ներկայացնել տպագիր տարբերակով։
Հեղինակը 10 օրվա ընթացքում իր էլեկտրոնային հասցեով տեղեկացվում է հոդվածի ընդունման, անհրաժեշտ շտկումներ կատարելու կամ հոդվածի մերժման մասին։
Խմբագրական հանձնախմբի դրական եզրակացությունից հետո կատարվում է համապատասխան վճարում։
Յուրաքանչյուր հեղինակ պարբերականի 1 համարում կարող է ներկայացնել 1–ից ոչ ավելի գիտական աշխատանք։
Յուրաքանչյուր հոդվածին տրվում է միջազգային թվային համարանիշ՝ DOI։
Ասպիրանտները և հայցորդները հոդվածի հետ պետք է ներկայացնեն կարծիք` ոլորտի գիտնականի կամ առաջատար մասնագետի կողմից։
Տպագրման նպատակով՝ յուրաքանչյուր էջը սահմանվել է հանրապետության բուհերի դասախոսներին` 2000 դրամ, իսկ արտերկրյա բուհերի դասախոսների համար՝ 4000 դրամ վճար (ՀՀ արտարժույթին համապատասխան գումար):
Հարցերի դեպքում ՇՊՀ-ի աշխատակիցները կարող են դիմել, իսկ մասնակցության դեպքում խնդրում ենք տեղեկացնել Գիտական քաղաքականության, որակի ապահովման և կառավարման կենտրոն՝ (http://shsu.am/contact-quality/, shsu.science@gmail.com ):