Հայ կրթական հիմնարկությունը հայտարարում է կրթաթոշակների մրցույթ
Հարգելի՛ ուսանողներ,
Երկար տարիներ է, ինչ Հայ Կրթական Հիմնարկությունը հովանավորում է Հայաստանում գործող բուհերին՝ հատկացնելով կրթաթոշակ ուսման վարձի տեսքով։ Ձեր բուհում ուսում ստացող բազմաթիվ ուսանողներ ևս տարիներ շարունակ կրթաթոշակ են ստացել և ստանում Հայ Կրթական Հիմնարկությունից։
Կրթաթոշակի մասին տեղեկատվությունը ներկայացնում ենք ստորև․
Հայ կրթական հիմնարկությունը հայտարարում է կրթաթոշակների մրցույթ` 2024-2025 նոր ուսումանական տարվա համար:
Կրթաթոշակները տրամադրվելու են տվյալ ուսումնական տարվա ուսման վարձի 90%-ի չափով` (ՀԿՀ-ի կողմից վճարվող գումարը չի գերազանցելու 720,000 դրամի շեմը) խրախուսելու և աջակցելու բարձր առաջադիմությամբ և միևնույն ժամանակ նյութապես անապահով ուսանողներին, ովքեր սովորում են ՀԿՀ-ի կողմից նախընտրած մասնագիտություններով։
Մրցույթին կարող են մասնակցել ՀՀ պետական բուհերի վճարովի համակարգում 2024 թ-ի սեպտեմբերից 1-ին կուրսում սովորող (դիմելու պահին դեռևս դպրոցում սովորող) և բարձր կուրսերի ուսանողներ, մագիստրոսներ:
Կրթաթոշակային ծրագրի մրցույթին կարող են մասնակցել ՀՀ քաղաքացիները, սիրիահայ և լիբանանահայ ուսանողները, ինչպես նաև Ջավախքում բնակվող ազգությամբ հայ այն ուսանողները, որոնց ակադեմիական միջին նիշը առնվազն 15, 3, 7 կամ 75 միավոր է։
Մրցույթին դիմելու համար անհրաժեշտ է լրացնել կրթաթոշակի առցանց հայտը՝ https://apply.aef.am/
Մրցույթը կանցկացվի մարտի 11-ից մինչև մայիսի 5-ը ներառյալ։
Մանրամասների և հավելյալ տեղեկությունների համար կարող եք գրել մեր էլ․ հասցեին՝ aef@aef.am, կամ զանգահարել (+374)11 53 14 85 հեռախոսահամարով։
Հարգանքներով՝
Հայ կրթական Հիմնարկության թիմ