ՇՊՀ-ում տեղի ունեցավ «Ֆուտզալի համալսարանական լիգա» մրցաշարի չեմպիոնների պարգևատրումը

Հունիսի 7-ին Շիրակի պետական համալսարանում տեղի ունեցավ ՀՀ ուսանողական մարզական 25-րդ խաղերի «Ֆուտզալի համալսարանական լիգա» մրցաշարում չեմպիոն հռչակված Շիրակի պետական համալսարանի, Հայաստանի պետական տնտեսագիտական համալսարանի Գյումրու մասնաճյուղի և Հայաստանի ազգային պոլիտեխնիկական համալսարանի Գյումրու մասնաճյուղի ուսանողների միասնական հավաքական թիմի պարգևատրման արարողությունը՝ երեք բուհերի ղեկավարներ Երվանդ Սերոբյանի, Արթուր Կոստանդյանի, Կարեն Պետրոսյանի և Գյումրի քաղաքի տարբեր պաշտոնյաների մասնակցությամբ։

Շնորհակալագրեր հանձնվեցին ինչպես հաղթող թիմի անդամներին և թիմի մարզիչ Ստյոպա Մկրտչյանին, այնպես էլ նրանց աջակիցներին, ովքեր իրենց ներդրումն են ունեցել հաղթանակի կերտման մեջ։ Աջակիցների շարքում են՝ Գյումրի համայնքի ղեկավար Վարդգես Սամսոնյանը, Գյումրու համայնքապետարանի աշխատակազմի ֆիզկուլտուրայի և սպորտի բաժնի պետ Մեխակ Ղազարյանը, Գյումրի համայնքի ղեկավարի խորհրդական Մենուա Մկրտչյանը, «Գյումրի ավտոբուս» ՓԲԸ տնօրեն Ռոբերտ Անդրիասյանը և ՇՊՀ-ի Սպորտի և արվեստի ամբիոնի վարիչի ԺՊ Գևորգ Աղանյանը։

Ներկաները շնորհավորեցին հաղթող թիմի անդամներին՝ մաղթելով նրանց շարունակական հաղթանակներ և նորանոր ձեռքբերումներ։