Կայացավ ՇՊՀ-ի գիտական խորհրդի հերթական նիստը
Շիրակի պետական համալսարանում այսօր կայացավ գիտական խորհրդի հերթական նիստը։Նիստին քննարկվեցին և հաստատվեցին օրակարգով նախատեսված հարցերը․
ՇՊՀ-ի Գիտական խորհրդի 2022-2023 ուստարվա աշխատանքային պլանը, «Շիրակի Մ․ Նալբանդյանի անվան պետական համալսարան» հիմնադրամի պարգևների և պատվավոր կոչումների շնորհման կանոնակարգը, «Շիրակի Մ․ Նալբանդյանի անվան պետական համալսարան» հիմնադրամի մատենավարության կարգը (նոր խմբագրությամբ), «Շիրակի Մ․ Նալբանդյանի անվան պետական համալսարան» հիմնադրամի ուսումնական խորհրդատուների գործունեության կարգը (նոր խմբագրությամբ)։
Գիտական խորհրդի որոշմամբ և ՇՊՀ-ի ռեկտորի հրամանով բեղմնավոր և արգասաբեր գործունեություն ծավալելու համար, համալսարանական կրթության գործում նշանակալի ավանդի և ծննդյան 80-ամյակի առթիվ մանկ․ գիտ․ դոկտոր, պրոֆեսոր Արտաշես Մկոյանը պարգևատրվեց «Շիրակի Մ․ Նալբանդյանի անվան պետական համալսարանի Ոսկե մեդալ»-ով։
