Սպորտլանդիա ՇՊՀ-ում
ՇՊՀ-ում շարունակվում են Ուսանողների միջազգային օրվան նվիրված միջոցառումները։ Այսօր համալսարանի սպորտի և արվեստի ամբիոնի նախաձեռնությամբ սպորտլանդիա էր կազմակերպվել բուհի սպորտային դահլիճում։
Սպորտլանդիային մասնակցում էր 2 թիմ՝ «Ֆիզիկական դաստիարակություն և սպորտային մարզումներ» մասնագիտության հավաքական թիմում ներգրավված էին բաժնի տարբեր կուսերի ուսանողներ, իսկ ՇՊՀ-ի հավաքական թիմը ներկայացնում էին մյուս մասնագիտությունների ուսանողները։
Մինչ մրցապայքարի մեկնարկը մասնակիցներին ողջունեց ՇՊՀ-ի ռեկտոր Երվանդ Սերոբյանը և կարևորեց առողջ ապրելակերպի խթանմանը միտված նախաձեռնության անցկացումը։
Մասնակիցներին ողջունեցին նաև Գյումրու սպորտային մարմնամարզության մարզադպրոցի սաները։
Ուսանողները մրցեցին 7 վարժաձևերում, ծավալվեց թեժ պայքար և ժյուրիի ձայների հաշվառմամբ հաղթող ճանաչվեց «Ֆիզիկական դաստիարակություն և սպորտային մարզումներ» բաժնի հավաքական թիմը։
Ամփոփելով սպորտային մրցումը՝ ՇՊՀ-ի ռեկտորը պատվոգրերով և գավաթով պարգևատրեց սպորտլանդիայի մասնակիցներին ու հաղթող թիմին։