ՇՊՀ-ի գիտական խորհուրդը ՊԴ կազմից ընտրեց հոգաբարձուների խորհրդի 5 անդամին
Այսօր Շիրակի պետական համալսարանում կայացավ գիտական խորհրդի հերթական նիստը։ Օրակարգի առաջին հարցը վերաբերում էր ՇՊՀ-ի հոգաբարձուների խորհրդում կառուցվածքային ստորաբաժանումներից առաջադրված թեկնածուների ընտրությանը։
Ըստ ՇՊՀ-ի կանոնադրության՝ պրոֆեսորադասախոսական կազմից հոգաբարձուների խորհրդի անդամության թեկնածուներ են առաջադրում ՇՊՀ-ի կառուցվածքային ստորաբաժանումները: ՇՊՀ-ի կառուցվածքային ստորաբաժանումներից առաջադրված թեկնածուներն ընտրվում են ՇՊՀ-ի գիտական խորհրդում և ներկայացվում լիազոր մարմնին:
Նիստին գիտական խորհրդի 39 անդամից ներկա էր 33-ը։ Կայացած փակ գաղտնի քվեարկության արդյունքում ընտրվեց հոգաբարձուների խորհրդի 5 անդամ․
Ֆիզմաթ. գիտ.թեկ., դոցենտ Վարդան Մանուկյան
Աշխ. գիտ. թեկ., դոցենտ Անահիտ Վալեսյան
Բան.գիտ.թեկ., դոցենտ Լուսինե Գևորգյան
Բան. գիտ. թեկ., դոցենտ Աիդա Գարեգինյան
Դասախոս Աշխեն Տոնոյան
Հիշեցնենք, որ Հոգաբարձուների խորհուրդը ձևավորվում է ՇՊՀ-ի պրոֆեսորադասախոսական կազմի, սովորողների, հիմնադրի և լիազոր մարմնի ներկայացուցիչներից: ՇՊՀ-ի հոգաբարձուների խորհրդի անդամների թիվը 20 է։