ՇԻՐԱԿԻ Մ. ՆԱԼԲԱՆԴՅԱՆԻ ԱՆՎԱՆՊԵՏԱԿԱՆ ՀԱՄԱԼՍԱՐԱՆ» ՀԻՄՆԱԴՐԱՄԸ ՀԱՅՏԱՐԱՐՈւՄ Է 2026/2027 ՈւՍՏԱՐՎԱ ՄԱԳԻՍՏՐԱՏՈւՐԱՅԻ (ԱՌԿԱ) ԸՆԴՈւՆԵԼՈւԹՅՈւՆ

By ՆՈՐՈՒԹՅՈՒՆՆԵՐ

ՇԻՐԱԿԻ Մ. ՆԱԼԲԱՆԴՅԱՆԻ ԱՆՎԱՆՊԵՏԱԿԱՆ ՀԱՄԱԼՍԱՐԱՆ» ՀԻՄՆԱԴՐԱՄԸ

ՀԱՅՏԱՐԱՐՈւՄ Է  2026/2027  ՈւՍՏԱՐՎԱ ՄԱԳԻՍՏՐԱՏՈւՐԱՅԻ (ԱՌԿԱ) ԸՆԴՈւՆԵԼՈւԹՅՈւՆ`  ՊԵՏՈւԹՅԱՆ ԿՈՂՄԻՑ ՈւՍԱՆՈՂԱԿԱՆ ՆՊԱՍՏՆԵՐԻ ՁԵՎՈՎ ՈւՍՄԱՆ ՎԱՐՁԻ ԼՐԻՎ ՓՈԽՀԱՏՈւՑՄԱՄԲ (ԱՆՎՃԱՐ), ԸՍՏ ՀԵՏԵՒՅԱԼ ՄԱՍՆԱԳԻՏՈՒԹՅՈՒՆՆԵՐԻ ԵՎ ՏԵՂԵՐԻ

                                                                  I ՓՈւԼ

                                                     ՓԱՍՏԱԹՂԹԵՐԻ ՑԱՆԿ, ԺԱՄԿԵՏՆԵՐ
Հ/Հ Դասիչը,Կրթական ծրագիրը Պետության կողմից ուսանողական նպաստների ձևով ուսման վարձի լրիվ փոխհատուցմամբ (անվճար)
1 2 3
1. 011301.01.7 Տարրական մանկավարժություն և մեթոդիկա 2
2. 011401.01.7 Կենսաբանություն 1
3. 011401.03.7 Աշխարհագրություն 1
4. 011401. 04.7 Ֆիզիկա 1
5. 011401.05.7 Մաթեմատիկա 1
6. 011401.09. 7 Ֆիզիկական դաստիարակություն և սպորտային մարզումներ 1
7. 011401.16.7 Նախնական զինվորական պատրաստություն 1
8. 011401.18.7 Պատմություն 2
9. 011401.19.7 Հայոց լեզու և գրականություն 2
10. 011401.20.7 Ռուսերեն և գրականություն 1
11. 011401.21.7 Անգլերեն և գրականություն 1
12. 031301.01.7 Հոգեբանություն 3
13. 041301.01.7 Կառավարում (ըստ ոլորտի) 2
14. 011101.04.7 Կրթության կազմակերպում 2
15. 042101.01.7 Իրավագիտություն 1
16. 011302.04.7 Լոգոպեդիա 3
17. 011302.05.7 Հատուկ մանկավարժություն 3
18. 092301.01.7  Սոցիալական աշխատանք 2
19. 101501.02.7 Կայուն զբոսաշրջություն 2

Դիմում-հայտը լրացնելու ժամանակ հարկավոր է ներկայացնել բոլոր փաստաթղթերի բնօրինակները պատճենների հետ միասին

Ընդունելության դիմում-հայտը լրացվում է տեղում՝ ՇՊՀ ընդունող հանձնաժողովի աշխատասենյակում

Դիմում-հայտին կցվող փաստաթղթերի ցանկը ներկայացված է ստորև.

  • Անձը հաստատող փաստաթուղթ և պատճենը,
  •  դիպլոմի և հավելվածի (միջուկի) բնօրինակները՝ պատճենների հետ միասին,
  • ինքնակենսագրություն (համակարգչային շարվածքով, sylfaen կամ ghea grapalat տառատեսակով, ստորագրված),
  • 3 լուսանկար (3×4 չափի),
  • տպագրված կամ տպագրման ներկայացված գիտական աշխատանք/ներ/ի ցուցակը (առկայության դեպքում),
  • ընդունելության ծառայությունների համար ՇՊՀ 163528999994 հաշվեհամարին վճարված 2000 դրամի անդորրագիր,
  • կազմակերպության կողմից սահմանված այլ փաստաթղթեր։

 Առաջին փուլի մրցույթին մասնակցելու համար դիմել 2026թ. հունիսի 8-ից 19-ը, ժամը 1030-ից 1630-ը /ընդմիջում՝ 13:00-14:00/, բացի շաբաթ և կիրակի օրերից:

** Ուշադրություն, մինչև ս.թ. հուլիսի 31-ը զորացրման ենթակա և մագիստրատուրա դիմելու ցանկություն հայտնող դիմորդների դիմում-հայտերը կարող են լրացնել նրանց ծնողները կամ նրանց կողմից լիազորված անձինք՝ ներկայացնելով համապատասխան փաստաթղթերը, ինչպես նաև ՀՀ ՊՆ զորակոչային և զորահավաքային համալրման ծառայության տարածքային ստորաբաժանման կողմից տրամադրված տեղեկանք:

* Մագիստրատուրա մրցութային կարգով կարող են ընդունվել բակալավրի, դիպլոմավորված մասնագետի և մագիստրոսի որակավորում ունեցող ՀՀ քաղաքացիները: Մագիստրոսի աստիճան ունեցող քաղաքացիները 2-րդ մագիստրոսական կրթություն կարող են ստանալ միայն վճարովի հիմունքներով:

* Օտարերկրյա քաղաքացիները և քաղաքացիություն չունեցող անձինք մագիստրատուրա կարող են ընդունվել միջպետական և միջգերատեսչական պայմանագրերի կամ համաձայնագրերի հիման վրա, լրացուցիչ տեղերի հաշվին, ինչպես նաև վճարովի հիմունքներով սեփական նախաձեռնությամբ:

* Ընդունող հանձնաժողովը, ֆակուլտետի (ուսումնական ստորաբաժանման) կարծիքի հաշվառմամբ, ուսումնասիրում և քննարկում է վերջինիս կողմից ներկայացրած մրցույթի հավակնորդների ցուցակները և ըստ մասնագիտությունների, բազային կրթության ընթացքում ուսումնասիրած դասընթացների ցանկի հաշվառմամբ, իրականացնում է մրցույթ:

Մրցույթն անցկացվում է հետևյալ չափանիշների առաջնահերթությամբ.

  1. նախորդ ուսումնառության ծրագրում ցուցաբերած ընդհանուր առաջադիմության գումարային միջին գնահատականով կամ միջին որակական գնահատականով,
  2. մասնագիտական առարկաներից ցուցաբերած առաջադիմության գումարային միջին գնահատականով կամ միջին որակական գնահատականով,
  3. ավարտական աշխատանքի կամ առարկայական ամփոփիչ քննական գնահատականներով,
  4. տպագրված կամ տպագրման ընդունված գիտական աշխատությունների, թեզիսների և զեկուցումների առկայությամբ,
  5. ոչ մասնագիտական առարկաներից ցուցաբերած առաջադիմության գումարային միջին գնահատականով կամ միջին որակական գնահատականով:

Ծանոթություն*

Մրցույթի արդյունքում անվճար համակարգից դուրս մնացած դիմորդները կարող են երկրորդ փուլի ընդունելության ժամանակ դիմում-հայտ լրացնել և մրցութային կարգով զբաղեցնել վճարովի հիմունքներով հատկացված տեղերը: