ՇՊՀ ռեկտոր Երվանդ Սերոբյանի ուղերձը Հանրապետության տոնի առթիվ
1918-ի մայիսին իրականություն դարձավ հայերիս դարավոր երազանքը՝ մեր սրբազան հողի մեզ հասած հատվածի վրա հռչակվեց Հայաստանի առաջին հանրապետությունը։
Սարդարապատի, Բաշ-Ապարանի և Ղարաքիլիսայի հերոսամարտերով ոգեշնչված մեր պատմութունն այլևս փոխեց իր ընթացքը։
Հայաստանի առաջին հանրապետության հռչակումը նոր՝ հաղթողի հոգեբանություն ձևավորեց հայ երիտասարդների հոգեկերտվածքում, եկավ հաստատելու, որ 1915-ի ապրիլին՝ ջարդերին ու ողբերին, ընդամենը 3 տարի անց հաջորդելու է հաղթանակի մայիսը։
Այսօր մեր ազգին նոր հաղթանակներ են անհրաժեշտ և այն կերտելու գործին պետք է լծվենք ազգովի, համախմբվենք հանուն գաղափարի, արարենք մեր նվիրական աշխատանքով, հաղթանակ գրանցենք ինքներս մեր նկատմամբ, և ազգային հաղթանակը չի ուշանա։
ՇՆՈՐՀԱՎՈ՛Ր ՄԱՅԻՍԻ 28
ՇՆՈՐՀԱՎՈ՛Ր ՀԱՆՐԱՊԵՏՈՒԹՅԱՆ ՏՈՆ