ՌԵԿՏՈՐ

Երվանդ Սերյոժի Սերոբյան

Ֆիզմաթ գիտությունների թեկնածու, դոցենտ

Շիրակի պետական համալսարանի ռեկտոր

Բարի՛ գալուստ,
Ողջունում եմ Շիրակի պետական համալսարանի պաշտոնական կայքի բոլոր այցելուներին:Վստահեցնում եմ` Շիրակի պետական համալսարանում բարձրագույն կրթություն ստանալու որոշումը կլինի Ձեր հետագա կյանքի լավագույն հիմնաքարը։ Մենք՝ բոլորս միավորված ենք մեկ ընդհանուր գաղափարի շուրջ՝ սեփական ներդրումն ունենալ մեր պետության կայացման և զարգացման գործում, որի գլխավոր և մնայուն գրավականը կրթությունն է։
Նորագույն տեխնոլոգիաներն ու ժամանակակից կյանքը նոր հրամայականներ են ներկայացնում մասնագիտական կրթությանը՝ պահանջելով քայլել ժամանակին համահունչ և առավելագույն ներդրումն անել գիտելիքի և կրթության ոլորտում։
Համալսարանի պրոֆեսորադասախոսական կազմի մասնագիտական բարձր հատկանիշները, մեր ունեցած մարդկային և նյութատեխնիկական ռեսուրսները և բուհի՝ գրեթե ինը տասնամյակ ձգվող պատմության ընթացքում ձևավորված կրթական լավագույն ավանդույթները հնարավորություն են ընձեռում Ձեզ՝ Շիրակի Մ. Նալբանդյանի անվան պետական համալսարանում ստանալու արդի, մասնագիտական ու որակյալ կրթություն, լինել մրցունակ և պահանջված, բարձրակարգ ու որակավորված  մասնագետ աշխատաշուկայում։