ERASMUS+ ABioNet ծրագրի աշխատանքների ընթացքը /Սալոնիկ — 2019 հոկտեմբեր/
2019թ-ի հոկտեմբերի 10-13–ը Հունաստանի Սալոնիկ քաղաքում տեղի ունեցավ ERASMUS+ ABioNet ծրագրի հերթական հանդիպումը Հելլենիկի միջազգային համալսարանում ( IHU -International Hellenic University):
Քննարկումները կատարվեցին ներկայացված օրակարգին համապատասխան: Տեղի ունեցավ միջբուհական համատեղ աշխատանքային ցանցի ստեղծման ռազմավարական փաստաթղթի քննարկում:
Հայկական համալսարանները ներկայացրեցին ուսումնական պլանների վերջնական տարբերակները և մագիստրոսական ծրագրերի մեկնարկման ժամկետները: ՇՊՀ-ում «Կենսատեխնոլոգիա» մագիստրոսական ծրագիրը նախատեսվում է մեկնարկել 2020թ-ի սեպտեմբերին: Մեր կողմից ներկայացվեց նաև սեպտեմբեր ամսին ձեռք բերված սարքերի մասին տեղեկատվություն:
Եվրոպական գործընկերների հետ քննարկվեցին նաև մասնագետների կարճաժամկետ ու երկարաժամկետ վերապատրաստման և ուսանողների ակադեմիական շարժունության հարցերը:
IHU-ի կողմից կազմակերպվեց ուսումնական այց ձեռնարկությունների ինկուբատորներ և օժանդակ կառույցներ:
ՇՊՀ-ից հանդիպմանը մասնակցում էին ծրագրի մասնագիտական աշխատախմբի անդամներ` Ա. Գրիգորյանը և Գ.Օքսուզյանը: