EducationUSA շրջանավարտների ցուցահանդեսը ՇՊՀ-ում
Արդեն ավանդույթ դարձած EducationUSA շրջանավարտների ցուցահանդեսը այս տարի տեղի ունեցավ Շիրակի պետական համալսարանում:
EducationUSA Հայաստանը Ամերիկյան խորհուրդների, ՀՀ-ում ԱՄՆ դեսպանության հետ համատեղ հյուրընկալել էր ԱՄՆ մի շարք համալսարանների հայ և ամերիկացի շրջանավարտների՝ Խաղաղության կորպուսի կամավորներ, Ֆուլբրայթ ծրագրի մասնակիցներ, ԱՄՆ դեսպանատան ներկայացուցիչներ:
EducationUSA Alumni Talks-ին բացման խոսքով հանդես եկան Ամերիկյան խորհուրդների տնօրեն Քերին Սմիթը, EducationUSA Հայաստանի կրթական խորհրդատու Շուշաննա Աբովյանը և ՇՊՀ ռեկտորի ժ/պ Երվանդ Սերոբյանը:
ԱՄՆ 18 համալսարանների շրջանավարտները նախ պատմեցին ԱՄՆ համալսարանական կյանքի, համալսարաններ դիմելու գործընթացի և այլ մանրամասների մասին:
Ներկաներին ներկայացվեցին նաև մրցունակ CV/Resume կազմելու կարգը, էլեկտրոնային հաղորդակցման, հարցազրույցին պատրաստվելու հմտություններ:
Միջոցառման երկրորդ մասում EducationUSA կրթական ցուցահանդեսն էր. շրջանավարտները ներկայացրեցին իրենց համալսարանները, պատմեցին կամպուսային կյանքի իրենց փորձառության մասին և բուհերի վերաբերյալ տեղեկատվական թերթիկներ ու գրքույկներ բաժանեցին հետաքրքրվածներին: