ՇՊՀ-ն ու ԳՊՀ-ն համագործակցության հուշագիր են կնքել
«Գավառի պետական համալսարան» հիմնադրամը, ի դեմս ռեկտոր Ռուզաննա Հակոբյանի և «Շիրակի պետական համալսարան» հիմնադրամը, ի դեմս ռեկտորի պաշտոնակատար Երվանդ Սերոբյանի, կնքել են համագործակցության հուշագիր՝ հիմք ընդունելով միջբուհական համագործակցության ապահովման, կողմերի գիտատեխնիկական և կադրային կարողությունների լիարժեք օգտագործման և առաջավոր փորձի փոխանակման անհրաժեշտությունը։
Հուշագրի համագործակցության հիմնական ուղղություններից են․
- ԳՊՀ-ում և ՇՊՀ-ում իրականացվող կրթական ծրագրերի մասին տեղեկությունների տրամադրում, համատեղ կրթական ծրագրերի իրականացմանն ուղղված աշխատանքների կազմակերպում
- սովորողների և պրոֆեսորադասախոսական կազմի անդամների ակադեմիական շարժունության, մասնագիտական վերապատրաստումների, կլոր սեղանների, թեմատիկ բանավեճերի կազմակերպում և իրականացում
- ուսանողների գիտահետազոտական, գիտամանկավարժական, ուսումնական, արտադրական պրակտիկաների փոխադարձ կազմակերպում
- համատեղ հանրապետական ու միջազգային գիտաժողովների կազմակերպում
- համատեղ կրթական, գիտական ուղղվածության դրամաշնորհային ծրագրերի իրականացում։