ՇՊՀ-ի ռեկտորի ժամանակավոր պաշտոնակատարի շնորհավորական ուղերձը Կանանց տոնի առթիվ
Սիրելի՛ մայրեր, կանայք, աղջիկներ, շնորհավորում եմ ձեզ գարնան զարթոնքի հետ մեկնարկող տոնի առթիվ։
Մեր պատմության ընթացքում հայ կանանց փխրուն ուսերին ծանրացել է ազգապահպանության պարտականությունը, ինչը տարել և տանում են մեծ պատասխանատվությամբ՝ պահպանելով պետության մանրակերտ հանդիսացող ընտանիքի ջերմությունն ու ամրությունը։
Սիրելի՛ գործընկերներ, ուսանողուհիներ ցանկանում եմ, որ ձեր կյանքում միակ մտահոգությունը լինի ուսման և մասնագիտության մեջ ավելի մեծ բարձունքներ գրավելու անհանգստությունը և այդ ճանապարհին ձեզ մշտապես ուղեկցի սիրով ու ջերմությամբ շրջապատող ուժեղ սեռի հոգատարությունը։
Հոգեբաններն ասում են․ «երջանիկ է կինը, երջանիկ է ընտանիքը, հասարակությունը»։
Սիրելի մայրեր, քույրեր, գործընկերներ, ուսանողուհիներ, ևս մեկ անգամ ջերմորեն շնորհավորում եմ՝ մաղթելով ընտանեկան երջանկություն և մասնագիտական նորանոր հաջողություններ։
Շիրակի պետական համալսարանի ռեկտորի ժամանակավոր պաշտոնակատար Երվանդ Սերոբյան