ԱՊՀ երկրների երիտասարդ հետազոտողների մրցույթ
Ռուսական գիտությունների ակադեմիայի Եվրոպայի ինստիտուտը հայտարարում է Ա. Գրոմիկայի անվան երիտասարդ հետազոտողների մրցույթ: Մրցույթի նպատակն է խթանել եվրասիական տարածքում դիվանագիտության և ինտեգրացիոն գործընթացների հետազոտությունները: Մրցույթն ուղղված է երիտասարդ հետազոտողների և դիվանագետների միջև երկխոսության, ինչպես նաև ԵՏՄ և ԱՊՀ երկրների ուսումնական և հետազոտական հաստատությունների փոխգործունեության ընդլայնմանը:
Մրցույթին մասնակցել կարող են մինչև 35 տարեկան երիտասարդներ, ովքեր ԱՊՀ երկրների քաղաքացիներ են:
Մրցույթի մասնակցության համար պետք է ներկայացնել դեռևս չտպագրված հոդված (թույլատրելի է նաև համահեղինակությամբ): Մրցույթին ներկայացված աշխատանքը պետք է նվիրված լինի ԵՏՄ գործընթացին կամ տարածաշրջանի երկրների միջև երկկողմանի կամ բազմակողմանի հարաբերություններին: Մրցույթը միջառարկայական է:
Մասնակցելու համար ընդունվում են այն աշխատանքները, որոնցում ներկայացված թեման բացահայտվում է քաղաքականության, տնտեսագիտության, պատմության, իրավունքի, փիլիսոփայության տեսանկյուններից:
Մանրամասների համար մինչև սույն թվականի մայիսի 10-ը դիմել ՇՊՀ գիտական քաղաքականության, որակի ապահովման և կառավարման կենտրոն: