ՇՊՀ-ում մեկնարկել են բարեգործական նախաձեռնությունները

ՇՊՀ ուսանողական խորհրդի անդամները երեկվանից հավաքում ու տեսակավորում են անհրաժեշտ պարագաներ՝ ուղարկելու հայ զինվորներին, կամավարներին ու Արցախի բնակիչներին։

ՇՊՀ նոր ուսանողական խորհրդարանի անդամները 2 օր է «Ռեստարտ Գյումրի» ուսանողական-քաղաքացիական նախաձեռնության անդամների և այլ կամավորների հետ իրականացնում են դեղորայքի և առաջին անհրաժեշտության պարենի, հիգիենայի պարագաների հավաքագրում Գյումրիի ամբողջ տարածքով։

ՇՊՀ ավագ դպրոցում էլ աշակերտները դասերի ավարտին առաջին անհրաժեշտության պարագաների հավաքագրմամբ են զբաղված։ Նախաձեռնությանը ֆինանսական աջակցությամբ միացել է նաև դպրոցի շրջանավարտներից մեկը, որն այժմ բնակվում է Գերմանիայում։

ՇՊՀ քոլեջում ևս միասնական և համախմբված լինելու սկզբունքով մեկնարկել են հայ զինվորի համար առաջին անհրաժեշտության իրերի հավաքագրման աշխատանքները։