ՇՊՀ-ՈՒՄ ՀԱՆՐԱՅԻՆ ՍՆՆԴԻ ԿԱԶՄԱԿԵՐՊՄԱՆ ՀԱՄԱՐ ՏԱՐԱԾՔՆԵՐԻ ԵՎ ԳՈՒՅՔԻ ՎԱՐՁԱԿԱԼՈՒԹՅԱՆ ՄՐՑՈՒՅԹ
«Շիրակի Մ. Նալբանդյանի անվան պետական համալսարան» հիմնադրամը հայտարարում է մրցույթ հիմնադրամի աշխատողների և սովորողների սննդի կազմակերպման և սպասարկման օբյեկտների՝ բուֆետների աշխատանքն առանձին կազմակերպության կամ անհատ ձեռներեցի միջոցով իրականացնելու նպատակով:
Բոլոր շահագրգիռ անձանց առաջարկում ենք յուրաքանչյուր աշխատանքային օր ժամը 9:00 -18:00 -ն ներկայանալ ՇՊՀ գլխավոր մասնաշենք՝ ք. Գյումրի, Պ.Սևակի 4 հասցեով, ֆինանսատնտեսագիտական վերլուծությունների, ծրագրավորման, հաշվապահական հաշվառման բաժնում ծանոթանալ մրցույթի պայմաններին և մինչև սույն թվականի հոկտեմբերի 31-ը, տեղական ժամանակով ժամը 18:00 -ն փակ, կնքված ծրարով ներկայացնել մրցույթի մասնակցության հայտ, որը պետք է պարունակի հետևյալ փաստաթղթերը՝
- պետական գրանցման վկայականի պատճենը,
- հանրային սննդի կազմակերպման բնագավառում փորձառության մասին գրավոր տեղեկատվություն,
- լրացված դիմում-հայտը:
Մրցույթը կայանալու է սույն թվականի նոյեմբերի 1-ին, ք. Գյումրի, Պ.Սևակի 4 հասցեում գտնվող ՇՊՀ գլխավոր մասնաշենքում:
Տեղեկությունների համար զանգահարել 093-54-18-82 կամ 094-22-10-97 հեռախոսահամարներով:
23.10.2019թ.