Հ Ա Յ Տ Ա Ր Ա Ր ՈՒ Թ Յ ՈՒ Ն
«Շիրակի Մ.Նալբանդյանի անվան պետական համալսարան» հիմնադրամի ուսանողների՝ ներբուհական և բուհից բուհ տեղափոխությունների մասին
Հիմք ընդունելով «Բարձրագույն ուսումնական հաստատություններում սովորողների ակադեմիական շարժունության» կարգի /ՀՀ կառավարության 2011թվականի օգոստոսի 25-ի թիվ 1240-Ն որոշում/դրույթների պահանջները՝ §Շիրակի Մ.Նալբանդյանի անվան պետական համալսարան¦ հիմնադրամի (ներբուհական) և այլ բուհերից ուսանողների՝ համալսարանի առկա համակարգ (համապատասխան կամ հարակից մասնագիտություններով) տեղափոխության մասին 2022-2023 ուստարվա 2-րդ կիսամյակի դիմումներն ընդունվում են 2023 թվականի հունվարի 23-ից մինչև փետրվարի 20-ը ներառյալ` թղթային կամ էլեկտրոնային տարբերակներով.
- Թղթային տարբերակը՝ համալսարանում, հասցեն՝ ք.Գյումրի,Պ.Սևակի 4, 2-րդ հարկ, Ուսումնամեթոդական գործընթացի կառավարման կենտրոն:
- Էլեկտրոնային տարբերակը՝ ՇՊՀ-ի էլեկտրոնային փոստի հասցեին՝ info@shsu.am:
Դիմումի հետ անհրաժեշտ է ներկայացնել հետևյալ փաստաթղթերը՝
- անձնագրի պատճենը,
- ակադեմիական տեղեկանքը,
- տեղեկանք ուսումնառած բուհից (բուհից բուհ տեղափոխության ժամանակ),
- զինվորական ծառայության մասին փաստաթուղթը (ըստ անհրաժեշտության):
Ուսումնամեթոդական գործընթացի կառավարման կենտրոն
(0312) 2-77-70