«Կրթական տեխնոլոգիաները՝ որպես մասնագիտական կրթության որակի բարելավման մեխանիզմ» խորագրով միջազգային գիտամեթոդական գիտաժողով
ՀՀ ոստիկանության կրթահամալիրի լեզուների ամբիոնը 2023 թ․-ի մարտի 24-ին կազմակերպում է «Կրթական տեխնոլոգիաները՝ որպես մասնագիտական կրթության որակի բարելավման մեխանիզմ» խորագրով միջազգային գիտամեթոդական գիտաժողով՝ նպատակ ունենալով քննարկել բարձրագույն ուսումնական հաստատություններում ուսումնական գործընթացի կազմակերպման մեթոդական աջակցության հրատապ խնդիրները՝ շեշտը դնելով լեզուների դասավանդման վրա:
Գիտաժողովի ձևաչափը՝ հիբրիդային: Հնարավոր են առցանց՝ վիդեոկոնֆերանսի միջոցով (հղում-հրավերը լրացուցիչ կուղարկվի համաժողովի մասնակիցներին միջոցառման նախօրեին), առկա և հեռակա ձևաչափեր։ Համաժողովի անցկացման ձևաչափի վերաբերյալ վերջնական որոշումը կայացնում է կազմկոմիտեն՝ հաշվի առնելով համաճարակաբանական իրավիճակը։
Գիտաժողովի արդյունքների հիման վրա նախատեսվում է հրատարակել գիտաժողովի նյութերի ժողովածու, ինչպես նաև միջոցառման ավարտին մասնակիցները կստանան մասնակցության վերաբերյալ հավաստագիր:
Գիտաժողովի աշխատանքային լեզուներն են հայերենը և ռուսերենը:
Գիտաժողովին նախատեսվում է պրոֆեսորադասախոսական կազմի, գիտաշխատողների, մագիստրանտների, ասպիրանտների, պետական իշխանության և տեղական ինքնակառավարման մարմինների ներկայացուցիչների, ուսանողների մասնակցություն /«Երիտասարդ գիտնականի ամբիոն»/:
Համաժողովին մասնակցելու համար գրանցման վճար նախատեսված չէ։
Նախատեսվում է քննարկել հետևյալ հարցերն ու ուղղությունները՝
- նոր դարաշրջանի մարտահրավերները՝ լեզվաբանական ոլորտը իրավաբանական և ոստիկանական կրթության մեջ,
- ներքին գործերի մարմինների մասնագիտական անձնակազմի լեզվական ուսուցման կատարելագործման արդի խնդիրները,
- մասնագիտական կրթության ավանդական և նորարարական մոտեցումները,
- նորարարական կրթական տեխնոլոգիաները մասնագիտական լեզվի դասավանդման գործում,
- մուլտիմեդիական տեխնոլոգիաները մասնագիտական կրթության համակարգում,
- հոգեբանական և մանկավարժական տեխնոլոգիաները մասնագիտական ուսուցման կառուցվածքում,
- առցանց շարժունակությունը՝ որպես մասնագիտական վերապատրաստման որակի բարելավման ոլորտներից մեկը,
- ապագա ոստիկանների և իրավաբանների ուսուցման համակարգում օտար լեզուների դասավանդման կրթական տեխնոլոգիաները:
Գիտաժողովի արդյունքներով նախատեսվում է հրատարակել ելույթների ժողովածու։ Մասնակցության շահագրգռվածության դեպքում խնդրում ենք մինչև 2023 թ․-ի մարտի 13-ը հոդվածը և դիմումը ուղարկել կազմկոմիտեի էլեկտրոնային հասցին /e-mail- galinarus13@mail.ru ։
Հարցերի դեպքում ՇՊՀ-ի մասնակիցները կարող են դիմել, իսկ մասնակցության դեպքում խնդրում ենք տեղեկացնել Գիտական քաղաքականության, որակի ապահովման և կառավարման կենտրոն՝ (http://shsu.am/contact-quality/) և ՇՊՀ-ի ՈՒԳԸ՝ (sss@shsu.am):