Մեկնարկում է «Viva University» ծրագրի 3-րդ փուլը
Ունե՞ս սովորելու մեծ ցանկություն և ցանկանո՞ւմ ես կատարել մասնագիտական առաջին քայլերդ, ապա Վիվա-ՄՏՍ-ը հենց քե՛զ համար է մեկնարկում «Viva University» ծրագրի 3-րդ փուլը: Ծրագիրը հնարավորություն է տալիս ձեռք բերել տեսական և գործնական գիտելիքներ վաճառքի և սպասարկման ոլորտներում:
Այս ծրագիրը հենց քեզ համար է, եթե դու՝
- բուհի 3-4-րդ կուրսի ուսանող ես, սովորում ես մագիստրատուրայում կամ ավարտել ես նախորդ մեկ տարվա ընթացքում,
- տիրապետում ես հայերենին, ռուսերենին և անգլերենին,
- ունես MS Office-ի բազային գիտելիքներ,
- սիրում ես շփվել,
- մոտիվացված ես և պարտաճանաչ,
- պատրաստակամ ես ձեռք բերել նորանոր գիտելիքներ ու հմտություններ։
Ծրագրի վերջում կտրվեն ավարտական վկայականներ, իսկ լավագույն ուսանողները, ընկերությունում թափուր հաստիքների առկայության դեպքում, կստանան աշխատանքի հնարավորություն:
Դիմելու համար մինչև ս․թ․ մայիսի 18-ը vivauniversity@mts.am էլեկտրոնային հասցեին ուղարկիր՝
- CV
- Դիպլոմ (եթե բուհն ավարտել ես վերջին մեկ տարվա ընթացքում) կամ տեղեկանք համալսարանից (եթե դիմելու պահին դեռ սովորում ես)
- Նախընտրելի մարզը և համայնքը (այդ թվում՝ Երևանը), որտեղ ցանկանում ես մասնակցել ծրագրին։
Բացահայտի՛ր հեռահաղորդակցության ոլորտի առաջատարի մոտ փորձուսուցման առավելությունները: