Մագիստրոսական թեզերի ընթացիկ փորձարկումներ՝ կենսատեխնոլոգիայի լաբորատորիայում

ՇՊՀ-ի  ‹‹Կենսատեխնոլոգիա›› մասնագիտության մագիստրատուրայի 2-րդ կուրսի ուսանողներն իրենց մագիստրոսական թեզերի փորձարարական մասն իրականացնում են համալսարանի կենսատեխնոլոգիայի լաբորատորիայում։ Ժամանակակից սարքերով ու սարքավորումներով հագեցած լաբորատորիան ուսանողներին հնարավորություն է տալիս մասնագիտական տարբեր փորձերի և փորձարկումների իրականացման համար։ Լաբորատորիայում իրականացրած աշխատանքների շնորհիվ ուսանողները զարգացնում են տեսական գիտելիքները կիրառելու իրենց կարողություններն ու հմտությունները։